ដោយៈ ស៊ីវ ម៉េង
ភ្នំពេញៈ ក្នុងទិដ្ឋភាពទីផ្សារជាក់ស្តែង ផ្នែកមួយចំនួននៃទីផ្សារអចលនវត្ថុកម្ពុជា បាននិងកំពុងមានការផ្គត់ផ្គង់លើសតម្រូវការហើយ ដែលទីផ្សារនេះមានភាពឆ្អែត។
តើអ្នកមានបំណងអភិវឌ្ឍន៍ គួរប្រុងប្រយ័ត្ន និងពិចារណាលើផ្នែកអ្វីខ្លះក្នុងវិស័យនេះ ដើម្បីកុំឲ្យមានហានិភ័យក្នុងការវិនិយោគ?។
ការិយាល័យពាណិជ្ជកម្ម
ក្នុងស្ថានភាពបច្ចុប្បន្ននេះ ទីផ្សារការិយាល័យបានកើនលើស១លានម៉ែត្រការ៉េរួចហើយ។ ទិន្នន័យនេះ កំពុងប្រឈមមុខនឹងបញ្ហាការផ្គត់ផ្គង់លើសចំនួន ការកាន់កាប់ទាប និងអត្រាជួលធ្លាក់ចុះ។
អត្រាជួលនៅតាមផ្សារទំនើប
ការសិក្សាបានបង្ហាញថា ការថមថយចុះនូវអំណាចនៃការទិញ ការកើនឡើងនូវការធ្វើពាណិជ្ជកម្មតាមអនឡាញ បានធ្វើឲ្យអត្រាគ្របដណ្តប់ការប្រើប្រាស់នៅតាមទីតាំងលក់រាយ ស្ថិតនៅក្នុងអត្រាត្រឹម៥៩ភាគរយប៉ុណ្ណោះ ដែលនិន្នាការនេះកំពុងធ្វើឲ្យទីផ្សារ ស្ថិតក្នុងហានិភ័យ ដោយសារការផ្គត់ផ្គង់លើសតម្រូវការ។
ទោះជាយ៉ាងណា ការសិក្សាបានរកឃើញថា ហានិភ័យនេះមានរយៈពេលខ្លី ប៉ុន្តែល្អប្រសើរជាងមុន ដើម្បីជៀសវាងលុះត្រាតែនៅក្នុងទីតាំងសំខាន់ តម្រូវការខ្ពស់ ឬប្រសិនបើផ្តល់តម្លៃបុព្វលាភ៕
