“ភូមិខ្មែរអ្នកធ្វើ ផ្សារទេសចរណ៍ខ្មែរ”បានបង្ហាញខ្លួនជាផ្លូវការ នៅរាជធានីភ្នំពេញ

ដោយៈ គង់ សូរិយា

ភ្នំពេញៈ “ភូមិខ្មែរអ្នកធ្វើ” ផ្សារទេសចរណ៍ខ្មែរ ជាផលិតផលទេសចរណ៍ដ៏ទាក់ទាញថ្មីមួយ ដែលភ្ញៀវទេសចរជាតិ អន្តរជាតិ មិនគួរមើលរំលង។

គំនិតផ្តួចផ្តើមនេះ ត្រូវបានរៀបចំឡើងនៅផ្សារទំនើប Chip Mong Mega Mall 271 ។

ចុចទីនេះដើម្បី Subscribe Telegram Channel «Property Area Asia» សម្រាប់ទទួលបានព័ត៌មានថ្មីៗ

-->

រដ្ឋមន្រ្តីក្រសួងទេសចរណ៍ ហួត ហាក់ និងលោកជំទាវ អញ្ជើញទស្សនា “ភូមិខ្មែរអ្នកធ្វើ” ផ្សារទេសចរណ៍ខ្មែរ ដែលជាផ្សារទេសចរ​ណ៍​ខ្មែរ បង្កើតឡើងក្នុងគោលបំណងជួយជំរុញ សក្ដានុពលទេសច​រណ៍ដ៏សម្បូរបែប និងការអភិវឌ្ឍផលិតផលទេសចរណ៍ រួមជាមួយការប្រមូលផ្ដុំផលិតផលក្នុងស្រុក សុទ្ធសឹងតែស្នាដៃរបស់បងប្អូនខ្មែរយើងនៅតាមមូលដ្ឋាន ដូចជាបន្លែ ផ្លែឈើ សម្ភារៈប្រើប្រាស់ វត្ថអនុស្សាវរីយ៍ ម្ហូបអាហារប្រចាំតំបន់ សេវាកម្មផ្សេងៗ នឹងមកប្រមូលផ្ដុំនៅក្នុងផ្សារទំនើប ជីប ម៉ុង ២៧១ មេហ្កាម៉ល។

នាឱកាសដ៏សប្បាយរីករាយនេះ មានការអញ្ជើញទទួលបដិសណ្ឋារកិច្ចយ៉ាងកក់ក្តៅពី លោកអ្នកឧកញ៉ា លាង ឃុន សហស្ថាបនិក និងជាប្រធានក្រុមប្រឹក្សាភិបាលក្រុមហ៊ុន និងលោកជំទាវ អ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយកក្រុមហ៊ុន និងលោកជំទាវ អ្នកឧកញ៉ា លាង ហួង (ហេនរី) អគ្គនាយកពហុពាណិជ្ជកម្មក្រុមហ៊ុនជីបម៉ុង និងលោកជំទាវ ព្រមទាំងអ្នកឧកញ៉ា ឧកញ៉ា និងលោកជំទាវសហស្ថាបនិកក្រុមហ៊ុន ជីប ម៉ុង គ្រុប និងបណ្តាអគ្គនាយកក្រុមហ៊ុន ជីប ម៉ុង គ្រុបផងដែរ។

“ភូមិខ្មែរអ្នកធ្វើ” មិនត្រឹមតែជាផ្សារលក់ផលិតផល ប៉ុន្តែក៏រួមបញ្ចូលជាមួយនឹងស្ថាបត្យកម្ម ​រចនាបទខ្មែរ សិល្បៈ វប្បធម៌ ប្រពៃណីដែលជាអត្តសញ្ញាណជាតិខ្មែរ។

ក្នុងន័យនេះ ដើម្បីបង្ហាញពីភាពទាក់ទាញ និងបង្កើនការចាប់អារម្មណ៍ គម្រោង”ភូមិខ្មែរអ្នកធ្វើ” ឱ្យកាន់តែទូលំទូលាយ សូមអញ្ជើ​ញបងប្អូន ក្រុមអ្នកផលិតមាតិកាទេសចរណ៍កម្ពុជា(Influencers​) KOL ទាំងអស់ចូលរួមផ្សព្វផ្សាយ ផ្សារទេសចរណ៍ខ្មែរ “ភូមិខ្មែរអ្នកធ្វើ” ទៅកាន់សាធារណជន ភ្ញៀវទេសចរជាតិ-អន្តរជាតិ ចូលរួមឱ្យកាន់តែច្រើន៕