ដោយៈ ស៊ីវ ម៉េង
ភ្នំពេញៈ បណ្ឌិត គីម ហ៊ាង អង្គនាយក ក្រុមហ៊ុន ខ្មែរ រៀល អុីស្ទេត បានលើកឡើងថា បើសិនជារដ្ឋាភិបាលអនុវត្តន៍ពន្ឋ២០ភាគរយ លើអចលនទ្រព្យ វាមិនមែនត្រឹមមិនជួយទេ តែវាធ្វើឲ្យទីផ្សារដីធ្លីជួបវិបត្តិថែមទៀត។
លោកឧកញ៉ាបានលើកឡើងកាលពីចុងសប្តាហ៍មុនថា ប្រសិនជារដ្ឋាភិបាលអនុវត្តន៍ពន្ឋមូលធម២០ភាគរយ វាមិនត្រឹមមិនជួយវិស័យនេះទេ តែវាធ្វើឲ្យវិស័យនេះ កាន់តែជួបវិបត្តិថែមទៀត។
លោកបន្ថែមថា “ខ្ញុំព្រួយបារម្ភខ្លាំងមែនទែន បើយកពន្ឋនៅឆ្នាំ២០២៦ ទោះបីយើងបានពន្យាពេល៥ឆ្នាំមកហើយក្តី តែ៥ឆ្នាំកន្លងមកនេះយើងជួបស្ថានភាពមហាលំបាក”។ លោកបន្ថែមថា “យើងដូចជាអ្នកជំងឺដែលមិនទាន់ជាផង តែយើងដាក់មួយព្រនង់ថែមទៀត វាមិនជួយសេដ្ឋកិច្ចទេ តែវាអាចល្អមើលដែលពន្ឋដា អាចរកបានប្រាក់ច្រើនជាងមុន”។
លោកឧកញ៉ាបណ្ឌិតគីម ហ៊ាងបានបន្តថា យកពន្ឋមូលធន២០ភាគរយ វាធ្វើឲ្យពន្ឋដាប្រមូលចំណូលកើនឡើង ប៉ុន្តែធ្វើឲ្យទីផ្សារដីធ្លី និងផ្នែកដទៃទៀត នៃវិស័យនេះនឹងកាន់តែជួបភាពធ្ងន់ធ្ងរ។
លោកបានបញ្ជាក់ទៀតបន្តថា “បើយកពន្ឋ២០ភាគរយ វានឹងធ្វើឲ្យលំបាក និងកាន់តែលំបាក”។លោកបន្ថែមថា “ការយកពន្ឋជារឿងត្រឹមត្រូវ បើអ្នកលក់បាន គឺត្រូវយកពន្ឋ ប៉ុន្តែបើនិយាយពីសេដ្ឋកិច្ចជាតិទាំងមូល សេដ្ឋកិច្ចដើរទៅបាន ដីធ្លីមានសកម្មភាពរីកចម្រើនកន្លងមក ប្រជាពលរដ្ឋមានឡានជិះ តែបើយកពន្ឋនៅឆ្នាំ២០២៦ ទីផ្សារដីធ្លីនឹងកាន់តែលំបាកជាមុន។
ពន្ឋមូលធនអចលនទ្រព្យ សំដៅយកការយកពន្ឋ៥ភាគរយ នៃអត្រាពន្ឋចំនួន២០ភាគរយ នៃប្រាក់ចំណេញដែលបានកាត់ទុក៨០ភាគរយរួចហើយ៕
