ទីផ្សារលំនៅឋានហុងកុងកំពុងទាក់ទាញចំណាប់អារម្មណ៍ឡើងវិញ ពីក្រុមអ្នកមានទ្រព្យសម្បត្តិស្តុកស្តម្ភ

ដោយ: សហសេវិក
អន្តរជាតិ: លោក Arnold Lee នាយកប្រតិបត្តិក្រុមហ៊ុនដឹកជញ្ជូន Hecny Group បានទិញអាផាតមុិនប្រណីតមួយនៅទីក្រុងហុងកុងក្នុងតម្លៃ១៣២លានដុល្លារហុងកុង (ប្រមាណ១៧លានដុល្លារអាមេរិក)។

អាផាតមិនទំហំ២៥៨ម៉ែត្រការ៉េនេះមានបន្ទប់គេងចំនួន៤ នៅគម្រោង The Legacy ដែលត្រូវបានអភិវឌ្ឍរួមគ្នាដោយក្រុមហ៊ុន Henderson Land Development និងក្រុមហ៊ុន New World Development។

យោងតាមកាសែត South China Morning Post បានឱ្យដឹងថា កិច្ចព្រមព្រៀងនេះត្រូវបានបញ្ចប់នៅថ្ងៃទី២៥ ខែវិច្ឆិកា និងបានចុះបញ្ជីជាផ្លូវការនៅថ្ងៃទី១៦ ខែធ្នូ ឆ្នាំ២០២៥។

ចុចទីនេះដើម្បី Subscribe Telegram Channel «Property Area Asia» សម្រាប់ទទួលបានព័ត៌មានថ្មីៗ

-->

ក្រុមហ៊ុន Hecny Group ជាក្រុមហ៊ុនដឹកជញ្ជូនទំនិញ និងភស្តុភារកម្មសកលមួយ ដែលត្រូវបានបង្កើតឡើងក្នុងឆ្នាំ១៩៥១ ដោយលោក Charles C.K. Lee។

គ្រួសារ Lee បានចូលរួមក្នុងការវិនិយោគលើទីផ្សារអចលនទ្រព្យចាប់តាំងពីទសវត្សរ៍ឆ្នាំ១៩៧០មក។ កាលពីខែកញ្ញា គ្រួសារនេះបានទិញយកហាងមួយនៅជាន់ផ្ទាល់ដីទំហំ២១០ម៉ែត្រការ៉េនៅអគារ LL Tower លើផ្លូវ Shelley Street ក្នុងតម្លៃប្រហែល៤១,៣លានដុល្លារ

កាលពីឆ្នាំ២០២២ ក្រុមគ្រួសារនេះបានទិញហាងចំនួន៤ បន្ថែមទៀត ដោយទាញយកអត្ថប្រយោជន៍ពីការធ្លាក់ចុះនៃតម្លៃអចលនទ្រព្យនៅទីក្រុងហុងកុង នៃប្រទេសចិន។

ដោយឡែក ប្រតិបត្តិការថ្មីចុងក្រោយនេះបានកើតឡើង ខណៈដែលទីផ្សារលំនៅឋានប្រណីតរបស់ហុងកុងទាក់ទាញចំណាប់អារម្មណ៍ឡើងវិញពីអ្នកទិញក្នុងគោលបំណងរស់នៅពិតប្រាកដ និងបណ្តាអ្នកវិនិយោគ។

នៅថ្ងៃទី១០ ខែធ្នូ អតិថិជន ដែលមិនស្គាល់អត្តសញ្ញាណម្នាក់បានទិញអាផាតមុិនមួយដែលមានបន្ទប់គេងចំនួន៤ នៅគម្រោង Mont Verra ក្នុងតំបន់ Kowloon Tong លើកោះហុងកុងក្នុងតម្លៃ១៩២លានដុល្លារហុងកុង៕ប្រភព: Vnexpress៕