ដោយ: សហសេវិក
អន្តរជាតិ: តំបន់សេដ្ឋកិច្ចពិសេស Johor-សិង្ហបុរី (JS-SEZ) ត្រូវបានគេរំពឹងថា នឹងជំរុញកំណើននៃទីផ្សារអចលនទ្រព្យឧស្សាហកម្មនៅប្រទេសម៉ាឡេស៊ី ដោយផ្នែកនេះនឹងនៅតែជាកត្តាជំរុញដ៏សំខាន់នៃកំណើនវិស័យអចលនទ្រព្យ។
ប្រព័ន្ធផ្លូវរថភ្លើង Johor-Singapore (RTS) ដែលអាចដាក់ឱ្យដំណើរការនៅចុងឆ្នាំ២០២៦ បន្តទាក់ទាញការចាប់អារម្មណ៍របស់បណ្តាអ្នកវិនិយោគឱ្យបណ្តាក់ទុនលើទីផ្សារអចលនទ្រព្យក្នុងរដ្ឋ Johor របស់ម៉ាឡេសុីផងដែរ។
ប្រព័ន្ធផ្លូវរថភ្លើង RTS Link នេះនឹងអាចដឹកជញ្ជូនអ្នកដំណើរចំនួន១០.០០០នាក់ក្នុងមួយម៉ោងក្នុងទិសដៅនីមួយៗ។ ការវិនិយោគបង្កើតសួនឧស្សាហកម្មបានលេចចេញជាផ្នែកដ៏សំខាន់មួយនៃកំណើននៅក្នុងទីផ្សារអចលនទ្រព្យរបស់ប្រទេសម៉ាឡេស៊ី។
-->
កំណើននេះក៏ត្រូវបានជំរុញដោយការកើនឡើងនៃតម្រូវការពាណិជ្ជកម្មអេឡិចត្រូនិក និងភស្តុភារកម្ម លំហូរវិនិយោគផ្ទាល់ពីបរទេសចូលប្រទេសម៉ាឡេស៊ី ស្របពេលមានភាពតានតឹងពាណិជ្ជកម្មរវាងសហរដ្ឋអាមេរិក និងចិន ក៏ដូចជាការកំណត់រចនាសម្ព័ន្ធខ្សែសង្វាក់ផ្គត់ផ្គង់ឡើងវិញ។
តម្រូវការមជ្ឈមណ្ឌលទិន្នន័យក៏បានបង្កើនការចាប់អារម្មណ៍របស់បណ្តាអ្នកវិនិយោគចំពោះផ្នែកអចលនទ្រព្យឧស្សាហកម្មផងដែរ។នេះបើយោងតាមការចុះផ្សាយដោយកាសែត The Business Times។
ក្រុមអ្នកជំនាញជឿជាក់ថា តំបន់សេដ្ឋកិច្ចពិសេស JS-SEZ នឹងបន្តបោះជំហាននាំមុខគេលើការអភិវឌ្ឍអចលនទ្រព្យឧស្សាហកម្មនៅក្នុងតំបន់ ដោយសារការគាំទ្ររវាងរដ្ឋាភិបាល និងរដ្ឋាភិបាលនៃប្រទេសម៉ាឡេសុី និងសិង្ហបុរី៕ប្រភព: The Business Times៕
 ត្រូវបានគេរំពឹងថា នឹងជំរុញកំណើននៃទីផ្សារអចលនទ្រព្យឧស្សាហកម្មនៅប្រទេសម៉ាឡេស៊ី ដោយផ្នែកនេះនឹងនៅតែជាកត្តាជំរុញដ៏សំខាន់នៃកំណើនវិស័យអចលនទ្រព្យ។){kind=link}