ដោយ: សហសេវិក
អន្តរជាតិ: តម្លៃប្រេងឆៅបានកើនឡើងក្នុងការជួញដូរនៅថ្ងៃពុធនេះ ខណៈក្តីបារម្ភអំពីការផ្គត់ផ្គង់នៅតែបន្តកើតមាន បន្ទាប់ពីព្យុះរដូវរងាបានជះផលប៉ះពាល់ដល់ទិន្នផល និងការនាំចេញប្រេងឆៅរបស់សហរដ្ឋអាមេរិក។
ក្រុមអ្នកវិភាគបានប៉ាន់ប្រមាណថា ក្រុមហ៊ុនផលិតប្រេងរបស់សហរដ្ឋអាមេរិកបានខាតបង់ទិន្នផលប្រេងឆៅចំនួន២លានបារ៉ែលក្នុងមួយថ្ងៃ ឬស្មើចំនួន១៥ភាគរយនៃទិន្នផលសរុបទូទាំងប្រទេសកាលពីចុងសប្តាហ៍ ខណៈព្យុះរដូវរងាបានជះផលប៉ះពាល់ដល់ហេដ្ឋារចនាសម្ព័ន្ធថាមពល និងបណ្តាញអគ្គិសនី។
តម្លៃប្រេងឆៅ Brent future បានកើនឡើង១១សេនដល់៦៧,៦៨ដុល្លារក្នុងមួយបារ៉ែល គិតត្រឹមម៉ោង 0725 GMT ខណៈតម្លៃប្រេងឆៅ West Texas Intermediate បានកើនឡើង១៩សេនដល់៦២,៥៨ដុល្លារក្នុងមួយបារ៉ែល៕
