ដោយ: សហសេវិក
អន្តរជាតិ: យោងតាមអាជ្ញាធរមូលដ្ឋានវៀតណាមបានឱ្យដឹងថា គម្រោងអគារ Trump International នៅទីក្រុង Hung Yen ទទួលបានសិទ្ធិក្នុងការលក់អាផាតមិនសរុបចំនួន៣០ភាគរយ ដល់អ្នកទិញជាជនបរទេស។
គម្រោងអគារនេះមានតម្លៃ១,៥ពាន់លានដុល្លារ ដែលរួមមានទីលានវាយកូនហ្គោលចំនួនពីរ និងតំបន់លំនៅឋានជាច្រើន ដោយមានទីតាំងស្ថិតនៅចម្ងាយ៤០គីឡូម៉ែត្រភាគអាគ្នេយ៍នៃទីក្រុងហាណូយ។ ការសាងសង់បានចាប់ផ្តើមកាលពីឆ្នាំមុនលើផ្ទៃដី៨៨៨ហិកតា។
គម្រោងខាងលើត្រូវបានអភិវឌ្ឍឡើងដោយក្រុមហ៊ុន Hung Yen Investment and Development Corp ដោយសហការជាមួយក្រុមហ៊ុន Trump Organization របស់ប្រធានាធិបតីអាមេរិកលោក ដូណាល់ ត្រាំ និងគ្រប់គ្រងដោយកូនប្រុសរបស់លោក ឈ្មោះ Eric ។
