ដោយៈ ចំណាន
ក្រចេះ,រដ្ឋមន្រ្តីក្រសួងទេសចរណ៍ លោកហួត ហាក់បានថ្លែងថា កោះច្រែង ស្ថិតតាមដងទន្លេមេគង្គ ក្នុងខេត្តក្រចេះ កំពុងទទួលបានការចាប់អារម្មណ៍ពីភ្ញៀវទេសចរជាតិ និងអន្តរជាតិ។
ការលើកឡើងបែបនេះ ក្នុងឱកាសលោកហួត ហាក់ រដ្ឋមន្ត្រីក្រសួងទេសចរណ៍ និងលោកជំទាវ រួមជាមួយលោក វ៉ា ថន អភិបាលនៃគណៈអភិបាលខេត្តក្រចេះ អញ្ជើញដឹកនាំក្រុមការងារចុះពិនិត្យស្ថានភាពជាក់ស្តែងនៅកោះច្រែង ខេត្តក្រចេះ ដើម្បីវាយតម្លៃសក្តានុពលទេសចរណ៍ និងហេដ្ឋារចនាសម្ព័ន្ធសំខាន់ៗ រួមមានផ្លូវចូលទៅកាន់តំបន់ ទីតាំងសេវាកម្មទេសចរណ៍ និងបរិស្ថានធម្មជាតិជុំវិញកោះផងដែរ។
ដំណើរចុះពិនិត្យនេះត្រូវបានចាត់ទុកថា ជាជំហានសំខាន់មួយក្នុងការបង្កើនការយកចិត្តទុកដាក់ លើតំបន់កោះច្រែង និងជំរុញឱ្យមានគម្រោងអភិវឌ្ឍន៍ ទេសចរណ៍ថ្មីៗនៅតំបន់នេះ នាពេលខាងមុខ៕
