ដោយ វុត្ថា
ភ្នំពេញ៖ ទ្វីបអាស៊ីក្នុងសតវត្សរ៍ទី២១ បាននិងកំពុងក្លាយជាតំបន់ដែលដឹកនាំសេដ្ឋកិច្ចពិភពលោក ដោយសារការកើនឡើងនៃមហាអំណាចចិន និងបណ្តាប្រទេសនានាដែលមានសេដ្ឋកិច្ចរីកចម្រើនយ៉ាងលឿននាពេលបច្ចុប្បន្ននេះ។
តើអ្នកណាកំពុងមានលុយច្រើនជាងគេ និងកំពុងលេចធ្លោក្នុងពិភពជំនួញ?
លោក Mukesh Dhirubhai Ambanini កើតនៅក្នុងឆ្នាំ១៩៥៧ គឺជាអ្នកជំនួញជនជាតិឥណ្ឌា និងប្រធានក្រុមប្រឹក្សាភិបាល និងជាងម្ចាស់ភាគហ៊ុនដ៏ធំបំផុតរបស់ក្រុមហ៊ុន Reliance Industries Limited ( RIL) ដែលបច្ចុប្បន្នលោកមានក្រុហ៊ុនប្រមាណ៥០០ នៅទូទាំងពិភពលោក (Fortune Global 500) ហើយក៏ជាក្រុមហ៊ុនដែលមានតម្លៃបំផុតរបស់ប្រទេសឥណ្ឌា។
យោងតាមទស្សានាវដ្តី Forbes របស់សហរដ្ឋអាមេរិកបានចុះផ្សាយថា លោក Mukesh ជាមហសេដ្ឋី ដែលមានលុយច្រើនជាងគេនៅក្នុងតំបន់អាស៊ី និងឈរនៅលំដាល់លេខរៀងទី១៣ នៅលើអភិពលោកសម្រាប់ឆ្នាំ២០១៩ នេះ។
លោក Ambani កើតក្នុងតំបន់ Aden ប្រទេសយ៉េមែនហើយបានមករស់នៅ និងធំដឹងក្តីនៅក្នុងទីក្រុងមុមបៃ ប្រទេសឥណ្ឌា។ មហាសេដ្ឋីរូបនេះ បានទទួលសញ្ញាបត្រវិស្វកម្មគីមីសាស្ត្រ (Chemical Engineering) ពីវិទ្យាស្ថានបច្ចេកវិទ្យាគីមីសាស្ត្រ នៅក្នុងដើមឆ្នាំ ១៩៧០។
នៅក្នុងឆ្នាំ១៩៨១ គាត់បានចាប់ផ្តើមធ្វើការឲ្យឪពុករបស់លោក លោក Dhirubhai Ambani នៅក្នុងក្រុមហ៊ុន Reliance ជាលក្ខណៈគ្រួសារ ។ ក្រុមហ៊ុននេះផ្តោតសំខាន់លើការលក់ប្រេងសាំង និងហ្គាស់ជាដើម។
បន្ទាប់មកក្រុមហ៊ុននេះ បានប្តូរទៅជាក្រុមហ៊ុន Reliance Retail Ltd វិញដែលក្លាយពីក្រុមហ៊ុនលក្ខណៈក្រួសារទៅជាក្រុមហ៊ុនផ្គត់ផ្គង់ និងសេវាលើវិស័យប្រេង និងហ្គាសដល់អតិថិជនជាច្រើនផ្សេងទៀត ដូចជា ទីផ្សារលក់រាយនិងទូរគមនាគមន៍នៅក្នុងប្រទេសឥណ្ឌា។
ក្រុមហ៊ុន Reliance នេះ បានទទួលបានចំណាត់ថ្នាក់កំពូលទាំងប្រាំ នៅក្នុងសេវាទូរគមនាគមន៍របស់ប្រទេសឥណ្ឌា ចាប់តាំងពីដំណើរការជាសាធារណៈរបស់ខ្លួន នៅថ្ងៃទី ៥ ខែកញ្ញាឆ្នាំ ២០១៦កន្លងមកនេះ។
នៅឆ្នាំ២០១៦ លោកAmbani បានជាប់ចំណាត់ថ្នាក់លេខ៣៨ ហើយបានរក្សាតំណែងជាអ្នកមានបំផុតរបស់ឥណ្ឌានៅលើបញ្ជីទស្សនាវដ្តី Forbes អស់រយៈពេល១០ឆ្នាំមកហើយ។ លោកគឺជាអ្នកជំនួញជនជាតិឥណ្ឌាតែមួយគត់ នៅលើតារាងទស្សនាវដ្តី Forbes ក្នុងចំណោមមនុស្សដែលមានអំណាចបំផុតនៅលើពិភពលោក។
គិតត្រឹមខែមករាឆ្នាំ ២០១៨ លោក Mukesh Ambani ត្រូវបានជាប់ចំណាច់ថ្នាក់ដោយទស្សនាវដ្តី Forbes ថាជាមនុស្សមានទ្រព្យសម្បត្តិច្រើនបំផុតទី១៨ នៅលើពិភពលោកដោយបានវ៉ាដាច់លោកJack Ma ប្រធានប្រតិបត្តិនៃក្រុមហ៊ុន Alibaba Group ហើយក្លាយជាអ្នកមានបំផុតនៅអាស៊ី។
លោកមានទ្រព្យសម្បត្តិសរុប ៤៤,៣ ពាន់លានដុល្លារនៅក្នុងខែកក្កដាឆ្នាំ ២០១៨ និងជាង ៥០ពាន់លានដុល្លារអាមេរិកនៅក្នុងខែ មីនាឆ្នាំ ២០១៩ កន្លងមកនេះ ។លោកក៏ជាមនុស្សដែលមានទ្រព្យសម្បត្តិស្តុកស្តម្ភបំផុត នៅក្រៅប្រទេសដែលរួមមាននៅអាមេរិកខាងជើង និងអឺរ៉ុប។
យោងតាមវិទ្យាស្ថានស្រាវជ្រាវ Hurun របស់ប្រទេសចិននៅឆ្នាំ២០១៥ លោក Ambani ជាប់ចំណាត់ថ្នាក់ទី៥ ដែលត្រូវបានតែងតាំងជានាយកធនាគារនៃអាមេរិក (Bank of America) ហើយលោកក្លាយជាប្រធាមក្រុមប្រឹក្សាភិបាល នៃធនគារនេះដែលមិនមែនជជនដើមអាមេរិក។
តាមរយៈ ក្រុមហ៊ុន Reliance លោកក៏ជាម្ចាស់ក្រុមហ៊ុន Indian Premier League និងជាស្ថាបនិកឥណ្ឌាប្រេនឆាយ Super League ដែលជាលីកបាល់ទាត់នៅឥណ្ឌា។ ក្នុងឆ្នាំ២០១២ ទស្សនាវដ្តី Forbes បានដាក់ឈ្មោះរបស់លោកផ្នែកកីឡាមួយក្នុងចំណោមអ្នកមានបំផុតនៅលើពិភពលោក។
លោករស់នៅក្នុងអគារAntilia ដែលជាលំនៅដ្ឋានឯកជនមួយថ្លៃបំផុតនៅលើពិភពលោកដែលមានតម្លៃរហូតដល់ ១ពាន់លានដុល្លារ៕
