ដោយៈ ម៉ាណា
ម៉ាឡេស៊ីៈ ប្រទេសម៉ាឡេស៊ីត្រូវបានគេរំពឹងថា នឹងនៅតែជាប្រទេសមួយ ក្នុងចំណោមប្រទេសដែលមានសេដ្ឋកិច្ចរឹងមាំបំផុត នៅអាស៊ីអាគ្នេយ៍រវាងឆ្នាំ២០២៦ និង២០៣០។
កំណើននេះ មានការគាំទ្រពីវិស័យផលិតកម្ម សម្ភារៈអេឡិចត្រូនិក បច្ចេកវិទ្យាឌីជីថល មជ្ឈមណ្ឌលទិន្នន័យ ថាមពលកកើតឡើងវិញ ទេសចរណ៍ និងការវិនិយោគឯកជនកើនឡើង។
ទោះបីជាហានិភ័យពាណិជ្ជកម្មសកលនៅតែមានក៏ដោយ មូលនិធិរូបិយវត្ថុអន្តរជាតិ (IMF) និងធនាគារកណ្តាលរបស់ប្រទេសម៉ាឡេស៊ីរំពឹងថា នឹងមានកំណើនរយៈពេលមធ្យម ជាជាងការធ្លាក់ចុះទៅជាវិបត្តិសេដ្ឋកិច្ច។
មហិច្ឆតារបស់ប្រទេសម៉ាឡេស៊ីសម្រាប់ឆ្នាំ២០២៦ ២០៣០ គឺ
រដ្ឋាភិបាលម៉ាឡេស៊ី ក្រោមក្របខ័ណ្ឌ Ekonomi MADANI និងផែនការម៉ាឡេស៊ីលើកទី13 (2026-2030) មានមហិច្ឆតាសំខាន់ៗមួយចំនួន រួមមាន ទី១ ក្លាយជាប្រទេសមួយ ក្នុងចំណោមប្រទេសដែលមានសេដ្ឋកិច្ច ប្រកួតប្រជែងបំផុតទាំង១២របស់ពិភពលោក។
ទី២ ផ្លាស់ប្តូរពីសេដ្ឋកិច្ចផលិតកម្ម ដែលមានចំណូលមធ្យមទៅជាសេដ្ឋកិច្ចដែលមានចំណូលខ្ពស់ និងជំរុញដោយនវានុវត្តន៍។
ក្លាយជាប្រទេសឈានមុខគេលើពិភពលោក ក្នុងការផលិតសម្ភារៈអេឡិចត្រូនិក បញ្ញាសិប្បនិម្មិត (AI) ការផលិតកម្រិតខ្ពស់ មជ្ឈមណ្ឌលទិន្នន័យ ថាមពលកកើតឡើងវិញ និងការផ្លាស់ប្តូរថាមពល។ដំឡើងប្រាក់ឈ្នួល និងបង្កើតការងារ ដែលមានជំនាញខ្ពស់បន្ថែមទៀត។ ទាក់ទាញការវិនិយោគផ្ទាល់ពីបរទេស (FDI) បន្ថែមទៀត ខណៈពេលដែលកំពុងបង្កើនផលិតភាព៕
