ដោយៈ កម្ពុ
កំពតៈ អភិបាលនៃគណអភិបាលខេត្តកំពត លោកម៉ៅ ធនិនបាន បន្តអញ្ជើញចុះពិនិត្យវឌ្ឍនភាព នៃការរៀបចំ បាតដៃ ដែលកន្លែងឈរថតរូប ស្ថិតក្នុងបរិវេណឆ្នេរថ្មី ក្រុងកំពត។
តាមព័ត៌មានបានឲ្យដឹងថា គិតមកទល់ពេលនេះ ការងាររៀបចំបាតដៃដ៏ទាក់ទាញមួយនេះ សម្រេចបានប្រមាណ៩០%ហើយ និង ត្រូវបានរំពឹងរូបសំណាក សម្រាប់ភ្ញៀបទេសចរណ៍ឈរថតរូប នឹងក្លាយជាចំណុចទាក់ទាញថ្មីមួយទៀត សម្រាប់ទាក់ទាញភ្ញៀវទេសចរជាតិ និងអន្តរជាតិ ឱ្យមកទស្សនាកម្សាន្ត និងផ្តិតយករូបភាពស្អាតៗនៅក្នុងខេត្តកំពត។
រដ្ឋបាលខេត្តកំពត ក្រោមការដឹកនាំរបស់លោកម៉ៅ ធនិនបានសាងសង់រូបសំណាកសេះសមុទ្រ និងនាឡិកាយក្សរួចហើយ ដែលបានធ្វើឲ្យខេត្តនេះ បានទាក់ទាញចំណាប់អារម្មណ៍ យ៉ាងច្រើនពីភ្ញៀវទេសចរណ៍ជាតិ អន្តរជាតិ៕
