ដោយៈ សហសេវិក
អាស៊ានៈ ផ្អែកលើការព្យាករណ៍ចុងក្រោយបំផុតអំពីសេដ្ឋកិច្ច និងវិស័យអចលនទ្រព្យក្នុងតំបន់ គិតត្រឹមខែវិច្ឆិកា ឆ្នាំ ២០២៦ ការសិក្សាបង្ហាញថា ប្រទេសចំនួន៥ មានឱកាសរីកចម្រើនលឿនជាងគេនៅក្នុងតំបន់អាស៊ាន។
ឆ្នាំ ២០២៧ អាចជាឆ្នាំដ៏ល្អសម្រាប់ការវិនិយោគលើអចលនទ្រព្យមួយចំនួននៅក្នុងតំបន់អាស៊ីអាគ្នេយ៍ ជាពិសេសគឺនៅប្រទេសវៀតណាម ម៉ាឡេស៊ី ឥណ្ឌូនេស៊ី និងហ្វីលីពីន និងសឹង្ហបុរី។
ទោះជាយ៉ាងណាក៏ដោយ អ្នកវិភាគបានផ្តោតលើប្រទេសដែលមានកំណើនសេដ្ឋកិច្ចខ្លាំង និងប្រទេសដែលតម្លៃអចលនទ្រព្យ តម្រូវការជួល និងឱកាសវិនិយោគមានលទ្ធភាព នឹងកើនឡើងប្រសើរជាងមុន។
ទស្សនវិស័យនៃការវិនិយោគ លើអចលនទ្រព្យក្នុងតំបន់អាស៊ានសម្រាប់ឆ្នាំ២០២៧
ទី១. ប្រទេសវៀតណាម លំនៅឋានសម្រាប់អ្នកមានចំណូលមធ្យម និងលំនៅឋានដែលមានតម្លៃសមរម្យ អាផាតមិននៅក្នុងទីក្រុងហូជីមិញ និងទីក្រុងហាណូយ។
ប្រទេសវៀតណាមមានសក្តានុពលកំណើនខ្លាំង លើវិស័យផលិតកម្ម ការនាំចេញ និងហេដ្ឋារចនាសម្ព័ន្ធ។
ទី២ ប្រទេសម៉ាឡេស៊ី មានសក្តានុពលរីកចម្រើនខ្ពស់ដោយប្រទេសនេះ កំពុងក្លាយជាទីតាំងប្លុកទិន្នន័យនៃបណ្តាញបច្ចេកវិទ្យា។ ជាប្រទេសមានការរីកចម្រើនផ្នែកឧស្សាហកម្ម និងភស្តុភារកម្ម។ លើសពីនេះ ការអភិវឌ្ឍអចលនទ្រព្យប្រទេសនេះ មានការរីកចម្រើនប្រកបដោយគុណភាព និងគុណតម្លៃ។
អ្វីកាន់តែពិសេសម៉ាឡេស៊ី ស្ថិតនៅជាប់ច្រករបៀងសេដ្ឋកិច្ចជាមួយប្រទេសសឹង្ហបុរី ពិសេសនៅខេត្តជូហូ។
ទី៣ ប្រទេសឥណ្ឌូនស៊ី ជាប្រទេសមានសក្តានុពលរីកចម្រើន រយៈពេលវែងផងដែរ ដោយសារអំណាចនៃប្រជាសាស្រ្ត កំណើនសេដ្ឋកិច្ច ដែលធ្វើឲ្យប្រទេសនេះមានសក្តានុពលក្នុងការអភិវឌ្ឍលំនៅដ្ឋានតម្លៃសមរម្យ ឧស្សាហកម្ម ឃ្លាំង និងភស្តុភារកម្ម ពិសេសគម្រោងច្រករបៀងថ្មីនៃរដ្ឋធានីហ្សាការតា ជាមួយបណ្តាខេត្តជុំវិញ។
ទី៤ ប្រទេសហ្វីលីពីន ដែលមានប្រជាជនជាង១០០លាននាក់ មានសក្តានុពលលើការអភិវឌ្ឍលំនៅដ្ឋាន សណ្ឋាគារ និងបដិសណ្ឋារកិច្ច ឧស្សាហកម្ម និងភស្តុភារកម្ម និងសក្តានុពលនៃកំណើនយុវជនវ័យក្មេង ព្រមទាំងសក្តានុពលនៃបណ្តាញផ្លូវរថភ្លើង ដែលគ្រោងតភ្ជាប់ពីរដ្ឋធានីម៉ានីល ទៅកាន់ទីក្រុងសេប៊ូ ជាទីក្រុងធំលំដាប់ទី២របស់ប្រទេសនេះ។
ទី៥ ប្រទេសសឹង្ហបុរី ជាប្រទេសនៅតែជាប់ចំណាត់ថ្នាក់ខ្ពស់ ដោយសារសក្តានុពលជាច្រើន ពិសេសលំនៅដ្ឋានលំដាប់ប្រណីត និងឯកជនភាព ជាមជ្ឈមណ្ឌលផ្ទូកទិន្នន័យ ឧស្សាហកម្ម និងភស្តុភារកម្ម និងការវិនិយោគលើស្ថាប័នធំៗជាដើម៕
