ដោយៈ រ៉ាណេត
ភ្នំពេញៈ នៅពេលបច្ចុប្បន្ននេះ វិស័យអចលនទ្រព្យកំពុងតែមានសន្ទុះនៃការរីកចម្រើនយ៉ាងខ្លាំងក្លា និងកំពុងសាយភាយទៅតាមបណ្តារាជធានី ខេត្តចំនួន៨កំពុងមានសក្តានុពល និងរីកចម្រើនបន្ថែមទៀត ដែលបណ្តាអ្នកវិនិយោគកំពុងតែសម្លឹង ដើម្បីចាប់យកឱកាស។
នាយិកាក្រុមហ៊ុន Century 21 Cambodia លោកស្រី Grace Rachny Fong បានមានប្រសាសន៍ប្រាប់តាមទូរស័ព្ទកាលពីព្រឹកថ្ងៃទី១៥ ខែមិថុនា នេះថា វិស័យអចលនទ្រព្យ មិនមែនរីកចម្រើនតែនៅក្នុងរាជធានីភ្នំពេញនោះទេ ពោលគឺនៅតាមបណ្តាខេត្តមួយចំនួនទៀតក៏ពុងតែពង្រីកសក្ដានុពលដែរ។ ភាពរីកចម្រើនក្នុងវិស័យអចលនទ្រព្យបានកើតឡើងស្ទើរទូទាំងប្រទេស ប៉ុន្តែគ្រាន់តែតំបន់ខ្លះមានការរីកចម្រើនលឿន ឬយឺតតែប៉ុណ្ណោះ។
-->
លោកស្រីបន្តទៀតថា “ការអភិវឌ្ឍលឿន និងមានសន្ទុះខ្លាំងយើងឃើញមាននៅរាជធានីភ្នំពេញ ក្រុងព្រះព្រះសីហនុ ប៉ោយប៉ែត និងក្រុងបាវិតជាដើម”។ លោកស្រីបានបន្តទៀតថា “ដោយឡែកសម្រាប់តាមបណ្តាខេត្តមួយចំនួនទៀត ដូចជា កំពត កែប កំពង់ចាម ត្បូងឃ្មុំ ក៏កំពុងតែមានភាពលូតលាស់គួរឱ្យកត់សម្គាល់ផងដែរ”។
លោកស្រី Grace Rachny Fong បានបន្តទៀតថា “នៅពេលដែលវិស័យអចលនទ្រព្យមានភាពរីកចម្រើន និងលូតលាស់ល្អ វាគឺជាឱកាសមួយសម្រាប់អ្នកដែលធ្វើជំនួញនៅក្នុងវិស័យមួយនេះ”។
លោកស្រីបានបន្តទៀតថា “បច្ចុប្បន្ននេះគ្រួសារ Century21 Cambodia កំពុងតែទទួលបានភាពរីកចម្រើន និងជោគជ័យជាខ្លាំងពីវិស័យអចលនទ្រព្យ ដែលក្រៅពីមាននៅក្នុងរាជធានីភ្នំពេញ ក៏មាននៅតាមបណ្តាខេត្តមួយចំនួនទៀត ផងដែរ ដូចជាខេត្ត កំពង់ចាម ក្រុងតាខ្មៅ និងខេត្តបាត់ដំបង”។ លោកស្រីបន្តទៀតថា ពេលនេះគ្រួសារ Century 21 Cambodia កំពុងតែបើកឱកាសឱ្យបណ្តាអ្នកដែលមានឆន្ទៈ ការតាំងចិត្ត និងបទពិសោធន៍នៅក្នុងវិស័យអចលនទ្រព្យ ចូលរួមនៅក្នុងវិស័យុំមួយនេះ ជាពិសេសនៅតាមខេត្ត កំពត់ កែប ប៉ោយប៉ែត ព្រះសីហនុ និងមណ្ឌលគីរី ខណៈដែលខេត្តទាំងនេះកំពុងតែមានសក្តានុពលខ្លាំង”។
លោកស្រីបានបញ្ជាក់ផងដែរថា អ្នកដែលចង់ចូលរួមនៅក្នុងគ្រួសារ Century 21 Cambodia មិនមានអ្វីដែលជាឧបសគ្គនោះទេ សំខាន់ឱ្យតែគាត់មានក្រុមហ៊ុនស្របច្បាប់ពិតប្រាកដ មានឆន្ទៈ និងការតាំងចិត្តខ្ពស់នៅក្នុងការជម្រុញវិស័យមួយនេះឱ្យរីកចម្រើន ដើម្បីទទួលបានប្រយោជន៍ទាំអស់គ្នា។
លោកស្រី Grace Rachny Fong បានបញ្ជាក់ថា “ខ្ញុំរីករាយសាទរនឹងវត្តមានរបស់បណ្តាសមាជិកថ្មី ដែលចង់ចូលរួមនៅក្នុងគ្រួសារ Century 21 Cambodia យើងនៅតែស្វាគមន៍ជានិច្ច”៕
