ដោយ Donald Lee
ប៉េកាំងៈ ទីក្រុងប៉េកាំងនឹងរៀបចំផែនការតំបន់សេដ្ឋកិច្ច អវកាសភពច័ន្ទដែលអាចផ្តល់ប្រាក់ចំណូលប្រចាំឆ្នាំដល់ទៅ១០ ទ្រីលានដុល្លារ។ នេះបើយោងតាមរបាយការណ៍របស់កាសែតវិទ្យាសាស្ត្រ និងបច្ចេកវិទ្យាចិនកាលពីថ្ងៃសុក្រ។
តំបន់សេដ្ឋកិច្ច នឹងគ្របដណ្តប់តំបន់រវាងផែនដី និងព្រះច័ន្ទ។ នេះបើយោងតាមក្រុមហ៊ុនសាជីវកម្មវិទ្យាសាស្ត្រ និងបច្ចេកវិទ្យាអវកាសចិន (CAST)។
របាយការណ៍បានដកស្រង់សម្តីលោក Bao Weimin ប្រធានគណៈកម្មការវិទ្យាសាស្ត្រ និងបច្ចេកវិទ្យានៅ CAST ដែលបាននិយាយថា បច្ចេកវិទ្យាដឹកជញ្ជូនគួរតែត្រូវបានដាក់ឱ្យដំណើរការនៅឆ្នាំ២០៣០ និងប្រព័ន្ធដឹកជញ្ជូនភ័ស្តុភារនៅឆ្នាំ២០៤០។ តំបន់សេដ្ឋកិច្ច គួរតែដំណើរការពេញលេញនៅឆ្នាំ២០៥០។
ប៉ុន្មានឆ្នាំចុងក្រោយនេះ ចិនបានរៀបចំទីតាំងរបស់ខ្លួននៅឋានព្រះចន្ទ។ ចិនបានចុះចតយានចន្ទគតិមួយ នៅចំងាយឆ្ងាយពីព្រះចន្ទកាលពីថ្ងៃទី៣ ខែ មករា ឆ្នាំមុន ដោយប្រើយានអង្កេត Chang’e ៤ របស់ខ្លួន។
ក្រុមអ្នកគាំទ្រអាកាសចរណ៍បានព្យាករណ៍ថា ផែនការនេះ នឹងពន្លឿនគម្រោងសំខាន់ៗជាច្រើន រួមមាន រ៉ុក្កែតដឹកអ្នកដំណើរ ដែលជាយានបាញ់បង្ហោះធំបំផុតរបស់ចិនដែលត្រូវបានគេរំពឹងថា នឹងត្រូវប្រើដើម្បីបញ្ជូនយានអង្កេតChang’e ៥ ក្នុងឆ្នាំ ២០២០ ដើម្បីនាំយកគំរូព្រះចន្ទត្រឡប់មកវិញ។
ផែនដី និងរ៉ុក្កែតដឹកទំនិញធុនធ្ងន់របស់ចិន ដែលត្រូវបានគេរំពឹងថា នឹងធ្វើការហោះហើរលើកដំបូងរបស់ខ្លួននៅប្រហែលឆ្នាំ២០៣០ ហើយនឹងគាំទ្រដល់ការរុករកតាមច័ន្ទគតិ ដែលមានមនុស្សបើកការរុករកក្នុងលំហ និងសាងសង់រោងចក្រថាមពលពន្លឺព្រះអាទិត្យ ដែលមានមូលដ្ឋាននៅទីអវកាស៕ (ប្រភព Global Times)៕
