ដោយ ប៊ី
ភ្នំពេញៈ ទូរទស្សន៍ដ៏ល្បីរបស់អាមេរិក (CNBC) បានលើកសរសើរពីដំណើរកំសាន្តតាមដងទន្លេមេគង្គ ប្រទេសលកម្ពុជា ដែលកំពុងមានការរីកចម្រើន ជាពិសេសនៅប្រទេសកម្ពុជា និងវៀតណាម។
នៅឆ្នាំ២០២០ យ៉ាងហោចណាស់មាននាវាចំនួន១០ ដែលនាវាខ្លះមានលក្ខណៈប្រណីត នឹងធ្វើដំណើរតាមដងទន្លេមេគង្គក្រោមសម្រាប់ដំណើរកម្សាន្ត។ ភាគច្រើនស្រដៀងនឹងនាវា មកពីទ្វីបអឺរ៉ុបដែលមានបុគ្គលិកជាមួយមេចុងភៅ ដែលរៀបចំម្ហូបតំបន់ និងមគ្គុទេ្ទសក៍ក្នុងស្រុក ដែលចែករំលែកប្រវត្តិសាស្ត្រវប្បធម៌ ក៏ដូចជារឿងផ្ទាល់ខ្លួន។
ហេតុអ្វីត្រូវធ្វើដំណើរតាមទឹក?
ការធ្វើដំណើរតាមទន្លេមេគង្គ ដែលជាទន្លេមួយក្នុងចំណោមទន្លេ ដែលវែងជាងគេនៅអាស៊ី គឺជាមធ្យោបាយដែលមានសុវត្ថិភាព និងងាយស្រួលក្នុងការស្វែងយល់ពីតំបន់នេះ។
អ្នកធ្វើដំណើរម្នាក់ឈ្មោះ Julia Steinmetz ដែលធ្វើដំណើរកំសាន្តជាមួយ Scenic Luxury Cruises & Tours កាលពីចុងឆ្នាំ២០១៨ បាននិយាយថា “ខ្ញុំចូលចិត្តគំនិតនៃដំណើរកម្សាន្តតាមដងទន្លេមេគង្គ ដោយសារមិនមានភាពស្រដៀងគ្នា នៅអាស៊ីអាគ្នេយ៍ទេ ហើយខ្ញុំមិនស្ទាក់ស្ទើក្នុងការធ្វើដំណើរលើនាវាទេ”។
ការជិះនាវាតាមដងទន្លេជាធម្មតា ផ្តល់នូវដំណើរកំសាន្តប្រចាំថ្ងៃចំនួនមួយឬពីរដូចជាការដើរលេងតាមភូមិ ការទៅលេងប្រាសាទ និងវត្ត និងសិក្ខាសាលា ដើម្បីមើលពីរបៀបដែលការធ្វើជំនួញ តាមបែបប្រពៃណីត្រូវបានធ្វើឡើង។ ការដឹកជញ្ចូនជាញឹកញាប់គឺតាមរ៉ឺម៉កក្នុងស្រុក ដែលដំណើរទៅតាមជនបទនៅតាមដងទន្លេមេគង្គ។
លោក Kristin Karst ជាសហម្ចាស់នៃក្រុមហ៊ុន AmaWaterways មានប្រសាសន៍ថា “ វត្ថុអនុស្សាវរីយ៍ល្អៗ របស់ភ្ញៀវ គឺមកពីការប្រាស្រ័យទាក់ទងជាមួយសហគមន៍មូលដ្ឋាន ឧទាហរណ៍ ការដើរលេងតាមរទេះគោ និងទស្សនាកន្លែងផលិតសូត្រក្នុងស្រុក ឬផ្សារត្រី និងសត្វល្អិត”៕ (CNBC)
