ដោយ ប៊ី
ភ្នំពេញៈ មាសដែលត្រូវបានកំណត់តម្លៃដោយវិនិយោគិន នៅក្នុងពេលមានវិបត្តិជាកន្លែងវិនិយោគដ៏មានសុវត្ថិភាពបំផុត មានតម្រូវការកើនឡើងពីទាំងពាណិជ្ជករ និងអ្នកទិញរាយ អំឡុងពេលផ្ទុះឡើងនៃជំងឺ COVID-19។
តម្លៃនៃលោហៈធាតុដ៏មានតម្លៃនេះ បានកើនឡើងដល់កំពូលក្នុងរយៈពេល៧ឆ្នាំនៅលើទីផ្សារទំនិញក្នុងខែនេះ ដោយសារពាណិជ្ជករ បានស្វែងរកកន្លែងវិនិយោគដែលមានសុវត្ថិភាព ពីជំងឺរាតត្បាត COVID-19 និងផលប៉ះពាល់សេដ្ឋកិច្ចដែលកំពុងអន្តរាយ។
ទំនិញនេះក៏បានកើនឡើងផងដែរ នៅពេលដែលវិនិយោគិន ព្យាយាមការពារពីអតិផរណាដែលកំពុងកើនឡើង – ដោយធនាគារកណ្តាលជាច្រើន បានចាក់បញ្ចូលសាច់ប្រាក់យ៉ាងច្រើនសន្ធឹកសន្ធាប់ ទៅក្នុងប្រព័ន្ធហិរញ្ញវត្ថុដើម្បីទប់ទល់នឹងជំងឺនេះ។
ក្នុងរយៈពេលបីសប្តាហ៍ចុងក្រោយនេះ នៅពេលវីរុសឆ្លងវីរុសថ្មី ឆ្លងរាលដាលពាសពេញពិភពលោក ក្រុមហ៊ុនGold Avenue បានលក់មាសចេញច្រើនជាងនៅត្រីមាសចុងក្រោយនៃឆ្នាំមុន។
លោកប្រធានក្រុមហ៊ុនOmar Liess បានឱ្យដឹងថា ជាមួយនឹងការបញ្ជាទិញភាគច្រើនតាមអនឡាញ ក្រុមហ៊ុនGold Avenue មាន“គ្រប់ឧបករណ៍ទាំងអស់” ដើម្បីជួយឆ្លើយតបទៅនឹងកំណើនតម្រូវការរហ័សនេះ។
ក្រុមហ៊ុនមួយចំនួនកំពុងជួបប្រទះ នឹងបញ្ហាមួយចំនួន ដែលឆ្លើយតបទៅនឹងបរិមាណតម្រូវការ។
ប៉ុន្តែបញ្ហាចំបងគឺភស្តុភារ ដោយសារតែការហោះហើរជាច្រើន ត្រូវបានលុបចោល ដោយសារតែការផ្ទុះឡើងនៃជំងឺ COVID-19។
អតិថិជននៅតែមានជម្រើសក្នុងការរក្សាកាក់មាស និងដុះមាសរបស់ពួកគេឱ្យមានសុវត្ថិភាព ពីព្រោះក្រុមហ៊ុនពាណិជ្ជកម្មជាធម្មតា ផ្តល់ជូននូវដំណោះស្រាយស្តុកបែបនេះ។
ប្រសិនបើពួកគេពិតជាចង់បានលោហៈ ដ៏មានតម្លៃនេះដល់ដៃ នោះអតិថិជននឹងទទួលបាននូវការរង់ចាំយូរ។
ក្រុមហ៊ុនលក់រាយលោហៈមានតម្លៃតាមអនឡាញ JM Bullion បានព្រមានអតិថិជនរបស់ខ្លួនឱ្យរំពឹងថា នឹងមានការពន្យារពេលជាង១៥ថ្ងៃ ដោយសារបរិមាណបញ្ជាទិញច្រើនពេក។
មាសបានឡើងថ្លៃខ្ពស់នៅផ្សារហ៊ុនឡុង London Bullion Market រហូតដល់តម្លៃខ្ពស់បំផុត១,៧០៣.៣៩ ដុល្លារក្នុងមួយអោនកាលពីថ្ងៃ ៩ ខែមីនា៕
