ដោយ វុត្ថា
ភ្នំពេញ៖ រដ្ឋាភិបាលនីតិកាលទី ៤ បានបានអនុម័តទាំងស្រុងទៀតលើសេចក្តីព្រាង «កម្មវិធីវិនិយោគសាធារណៈ ៣ឆ្នាំរំកិល ២០២០-២០២២» កាលពីថ្ងៃទី៣០ ខែសីហា ឆ្នាំ២០១៩កន្លងមកនេះ ដោយគណៈរដ្ឋមន្ត្រី ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។
កម្មវិធីនិយោគសាធារណៈ (ក.វ.ស.) ៣ឆ្នាំរំកិល២០២០-២០២២ ជាការបង្ហាញពីទិន្នន័យគម្រោងវិនិយោគ ដែលមានអាទិភាពខ្ពស់របស់ក្រសួងស្ថាប័ន នៃរាជរដ្ឋាភិបាលកម្ពុជា ដែលជាគោលនយោបាយមានចែង នៅក្នុងយុទ្ធសាស្ត្រចតុកោណដំណាក់កាលទី៤ និងជាផែនទីចង្អុលផ្លូវសម្រាប់ការអនុវត្តគោលនយោបាយ ដែលមានចែងក្នុងផែនការយុទ្ធសាស្ត្រអភិវឌ្ឍន៍ជាតិ (ផ.យ.អ.ជ.) ២០១៩-២០២៣ ។
កម្មវិធីវិនិយោគសាធារណៈ៣ឆ្នាំរំកិល២០២០ ២០២២ ត្រូវបានរៀបចំឡើងដោយគិតគូរដល់កត្តាចម្បង និងស្ថានភាពជាក់សែ្តងពីរសំខាន់ៗដូចជា ទី១ ការបង្ហាញពីទិន្នន័យនៃគម្រោងវិនិយោគ ដែលមានអាទិភាពខ្ពស់របស់ក្រសួង ស្ថាប័ននៃរាជរដ្ឋាភិបាលកម្ពុជា ដែលជាគោលនយោបាយមានចែង នៅក្នុងយុទ្ធសាស្ត្រចតុកោណដំណាក់កាលទី៤ និងជាផែនទីចង្អុលផ្លូវសម្រាប់ការអនុវត្តគោលនយោបាយ ដែលមានចែងក្នុងផែនការយុទ្ធសាស្ត្រអភិវឌ្ឍន៍ជាតិ ២០១៩-២០២៣ និង ទី២ តម្រូវការចំណាយសរុប សម្រាប់ការអនុវត្តផែនការយុទ្ធសាស្ត្រអភិវឌ្ឍន៍ជាតិ ២០១៩-២០២៣ ។
កម្មវិធីវិនិយោគសាធារណៈ៣ឆ្នាំរំកិល២០២០២០២២ ត្រូវបានរៀបចំឡើងដោយផ្អែកលើតម្រូវការចំណាយសរុប សម្រាប់ការអនុវត្តផែនការយុទ្ធសាស្ត្រអភិវឌ្ឍន៍ជាតិ២០១៩-២០២៣ ដើម្បីឲ្យបានស្របតាមស្ថានភាពជាក់ស្តែង នៃការប្រែប្រួលថ្លៃទំនិញ និងអតិផរណា ហើយក៏ផ្អែកលើបរិមាណហិរញ្ញប្បទាន សហប្រតិបត្តិការដែលដៃគូអភិវ ឌ្ឍន៍ធ្លាប់បានសន្យា៕
