តើអ្នកណានៅពីក្រោយការអភិវឌ្ឍន៍ទីក្រុង “ឌូបៃ” ឱ្យក្លាយជាទីក្រុងលេខ ១ លើពិភពលោក?

ដោយ ប៊ី

ភ្នំពេញ៖ មុនឆ្នាំ១៩៩០ ទីក្រុងឌូបៃ គ្រាន់តែជាវាលខ្សាច់មួយបុណ្ណោះ ប៉ុន្តែអ្នកគ្រប់គ្រងទីក្រុងឌូបៃដ៏មានឥទ្ធិពល បានផ្លាស់ប្តូរមុខមាត់ទីក្រុងធ្លាប់ស្ងប់ស្ងាត់នេះ ទៅជាទីក្រុងមួយដ៏ស្រស់ស្អាត។

លោកSheikh  Mohammed bin Rashid ជាអ្នកគ្រប់គ្រងទីក្រុងឌូបៃដ៏មានឥទ្ធិពល។ លោកបានកែប្រែទីក្រុងឌូបៃ ឱ្យកា្លយជាទីក្រុងមួយបំផុតមួយនៅលើពិភពលោក។

មានសំនួរលើកឡើងថា តើលោកកំពុងព្យាយាមធ្វើអ្វីនៅទីនេះ ហើយតើលោកចង់ឱ្យកន្លែងនេះក្លាយជាអ្វី? លោក Sheikh  Mohammed bin Rashid បានឆ្លើយថា “ខ្ញុំចង់ទីក្រុងនេះ ក្លាយជាទីក្រុងលេខ១ មិនត្រឹមនៅក្នុងតំបន់ប៉ុណ្ណោះទេ តែនៅលើពិភពលោកផងដែរ”។

តើមានន័យដូចម្តេច សម្រាប់លេខ១លើពិភពលោក? លោកបានបន្តថា “លេខ១គ្រប់យ៉ាងលើការអប់រំ សុខាភិបាល និងលំនៅដ្ឋាន ដែលធ្វើឱ្យប្រជាជនរបស់ខ្ញុំទទួលបាននូវការរស់ថ្លៃថ្នូរ”។

ទីក្រុងឌូបៃ បានក្លាយជាទីក្រុងមួយដ៏ល្បីឈ្មោះ ដែលប្រជាជនជាច្រើនលើពិភពលោកគិតថា ទីក្រុងមួយនេះជាប្រទេសមួយ ប៉ុន្តែវាមិនមែនប្រទេសទេ។ វាគ្រាន់តែជាទីក្រុងមួយនៃប្រទេសអារ៉ាប់រួម។

ទីក្រុងមួយនេះ គឺជាវាលខ្សាច់កាលពីប៉ុន្មានឆ្នាំមុន។ មនុស្សគ្រប់គ្នាស្គាល់ហើយអគារ Burj Khalifa ប៉ុន្តែអ្នកគ្រប់គ្រងទីក្រុងឌូបៃមានអារម្មណ៍ថា ធុញនឹងអគារមួយនេះ ដូច្នេះលោកបានសាងសង់អគារDubai Creek Tower ដែលគ្រោងបញ្ចប់ការសាងសង់នៅឆ្នាំ ២០២១ ហើយនឹងមានកម្ពស់រហូតដល់១៣០០ ម៉ែត្រ។ អគារ Burj Khalifa មានកម្ពស់ត្រឹមតែ៨៣០ម៉ែត្រ បើធៀបនឹងអគារ Dubai Creek Tower។

ទីក្រុងឌីបៃ គឺជាកន្លែងដែលមានការដ្ឋានសំណង់ធំជាងបំផុត នៅលើពិភពលោក ហើយមានភាពរីកចម្រើនខ្លាំងជាងបំផុតនៅលើពិភពលោក។

មុនឆ្នាំ១៩៦០ ទីក្រុងឌូបៃ មិនមានអ្វីទាំងអស់ តែបន្ទាប់មករ៉ែប្រេងត្រូវបានរកឃើញនៅទីក្រុងឌូបៃ ហើយវាសនាទីក្រុងនេះផ្លាស់ប្តូរ។ ប៉ុន្តែបច្ចុប្បន្នទីក្រុងឌូបៃមិនពឹងផ្អែកលើលុយប្រេងទៀតទេ។ ជាក់ស្តែង ចំណូលពីប្រេងរបស់ទីក្រុងឌូបៃ គឺមានត្រឹម៥ភាគរយ នៃផលិតផលក្នុងស្រុកសរុប ហើយទីក្រុងនេះ បានក្លាយជាមជ្ឈមណ្ឌលពាណិជ្ជកម្មលើពិភពលោក។

ប្រជាជន១៥ ភាគរយគឺជាជនជាតិអារ៉ាប់ ហើយ៨៥ភាគរយនៃប្រជាជនគឺជាបរទេ​សកំពុងធ្វើការនៅក្នុងទីក្រុងមួយនេះ។ ជាង៦៥ភាគរយនៃចំនួនប្រជាជននៅទីក្រុងនេះគឺជាជនជាតិឥណ្ឌា ប៉ាគីស្ថាន និងបង់ក្លាដែស។

នៅឆ្នាំ១៩៩១ ទីក្រុងឌូបៃមានអគារកម្ពស់ខ្ពស់មួយប៉ុណ្ណោះ ដែលជាមជ្ឈម​ណ្ឌលពាណិជ្ជកម្មពិភពលោក តែបច្ចុប្បន្ន មានអគារកប់ពពកចំនួន១៤៨ អគារ ហើយអគារកម្ពស់ខ្ពស់បានកើនដល់ចំនួន៩១៧ អគារនៅក្នុងទីក្រុងឌូបៃ៕ 

ប៉ូលីសទីក្រុងឌូបៃ ប្រើប្រាស់រថយន្តសេរីទំនើបំផុត ដូចជា Aston Martin, Audi, Bentley ហើយរថយន្តទំនើបៗជាច្រើនទៀត។ អ្នកដឹកនាំដ៏មានទេពកោលសល្យ និងឥទ្ឋិពលនេះ មិនចង់ឲ្យទីក្រុងឌូបៃជាទីក្រុងលេខ២នៅលើពិភពលោកនោះទេ។

ផ្សារទំនើបDubai Mall ជាផ្សារទំនើបធំជាងបំផុតនៅលើពិភពលោក ដែលមានហាងចំនួន១២០០ ហាង។ ទីក្រុងឌូបៃមានកោះ Palm Island ដែលជាកោះធំបំផុតលើពិភពលោក និងជាកោះដែលកសាងដោយមនុស្ស។សណ្ឋាគារលំដាប់ផ្កាយ៧តែមួយគត់ Burj Al Arab គឺមានវត្តមាននៅក្នុងទីក្រុងឌូបៃ។

អ្នកគ្រប់គ្រងទីក្រុងឌូបៃ ចង់បានកន្លែងកម្សាន្តDisneyland ធំជាងDisneylandនៅអាមេរិក ប៉ុន្តែក្រុមហ៊ុនDisneyland បានបដិសេធសំណើររបស់ទីក្រុងឌូបៃ។ ដូច្នេះ លោកបានសាងសង់សាងសង់កន្លែងកម្សាន្តDubai land ដែលទំហំធំជាងDisneyland ២.៥ដង។ ភ្ញៀវទេសចរជាង ២០០,០០០ នាក់មកទស្សនាទៅទីនេះ។

ទស្សនវិស័យរបស់អ្នកគ្រប់គ្រងដ៏មានឥទ្ធិពលរូបនេះ បានប្រែក្លាយទីក្រុងឌូបៃដូចសព្វថ្ងៃ ដែលកាលពីមុនគឺគ្រាន់តែជាតំបន់វាលខ្សាច់ប៉ុណ្ណោះ។ ពាក្យដ៏មានន័យរបស់លោក Sheikh  Mohammed bin Rashid “ខ្ញុំចង់ឃើញ ប្រជាជនរបស់ខ្ញុំ រស់នៅជាមួយជីវិតដ៏ល្អប្រសើរ”៕