ដោយៈប៊ី
ភ្នំពេញៈកម្ពុជា ឡាវ មីយ៉ាន់ម៉ា និងវៀតណាម(CLMV) បានស្នើឱ្យការមានដកហូតរបាំងពាណិជ្ជកម្មដែលមិនចាំបាច់ ដើម្បីជួយសម្រួលដល់ការធ្វើពាណិជ្ជកម្ម និងជំរុ ញការផ្លាស់ប្តូរទំនិញរវាងប្រទេសទាំង៤ ។
ការស្នើឱ្យការដកចេញនូវរបាំងពាណិជ្ជកម្មនេះ ត្រូវបានធ្វើនៅក្នុងកិច្ចប្រជុំមន្ត្រីជាន់ខ្ពស់សេដ្ឋកិច្ច ដែលមានកម្ពុជា ឡាវ មីយ៉ាន់ម៉ា និងវៀតណាមលើកទី ១៩ ធ្វើឡើងនៅរដ្ឋធានីហាណូយក្រោមទម្រង់វីដេអូ Conference កាលពីថ្ងៃ២៣ កក្គដា ឆ្នាំ២០២០ ។ នេះបើយោងតាមសេចក្តី នៃកិច្ចប្រជុំមន្ត្រីជាន់ខ្ពស់សេដ្ឋកិច្ច ចេញផ្សាយនៅថ្ងៃទី២៤ ខែកក្កដា ឆ្នាំ២០២០ ។
នៅក្នុងសន្និសីទតាមប្រព័ន្ធអនឡាញនេះ ប្រទេសទាំង៤ បានព្រមព្រៀងបង្កើតលក្ខខណ្ឌអំណោយផ លសម្រាប់សកម្មភាពពាណិជ្ជកម្មវិនិយោគ និងសេវាកម្មជា ពិសេ សសកម្មភាពពាណិជ្ជកម្ម ឆ្លងកាត់ព្រំដែនរវាងប្រទេស CLMV ដើម្បីកំណត់ និងដករបាំងពាណិជ្ជកម្មដែលមិនចាំបាច់ ដើម្បីចូលរួមចំណែកក្នុងការគាំទ្រ ដល់សហគ្រាសធុនតូច និងមធ្យមធានានូវប្រតិបត្តិការចង្វាក់ផ្គត់ផ្គង់។
ខណៈវិបត្ដិជំងឺ COVID-19 បានធ្វើឱ្យអត្រាកំណើនសេដ្ឋកិច្ចនៅក្នុងប្លុក CLMV ស្ថិតក្នុងកម្រិតទាបបំផុត ក្នុងរយៈពេលពីរទសវត្សរ៍សេដ្ឋកិច្ច CLMV អាចនឹងមានកំណើនត្រឹម ៣,៤ ភាគរយនៅឆ្នាំនេះ។
សេដ្ឋកិច្ច CLMV នឹងមានទំនោរទៅរកការងើបឡើងវិញ យ៉ាងឆាប់រហ័សក្នុងរយៈពេល១ ទៅ២ឆ្នាំខាងមុខ ដោយកំណើនសេដ្ឋកិច្ច ត្រូវបានព្យាករណ៍ថានឹងកើនឡើងដល់ ៦,៤ភាគរយនៅឆ្នាំ ២០២១ និង ៦,៥ ភាគរយនៅឆ្នាំ ២០២២ ។
បច្ចុប្បន្នប្រជាជនសរុបក្នុងតំបន់ CLMV រូមបញ្ចូលជាប្រទេសថៃ មានប្រមាណ ២៦៧លាននាក់ ជាមួយនឹងកំណើនផលិតផលក្នុងស្រុកសរុប(GDP) ស្មើនឹង៥.១% គិតត្រឹមឆ្នាំ២០១៨ និងលំហូរវិនិយោគបរទេសផ្ទាល់(FDI) ស្មើនឹង៧.២%។ ប្រទេស CLMVT មានលក្ខណៈភូមិសាស្ត្រ និងស្ថេរភាពម៉ាក្រូសេដ្ឋកិច្ចល្អ តម្រូវឲ្យប្រទេសសមាជិកបង្កើនទំនាក់ទំនងល្អ និងលើកយកយន្តការចាំបាច់នានា ដើម្បីទាញយកផលចំណេញពីការធ្វើពាណិជ្ជកម្មក្នុងតំបន់របស់ខ្លួន សំដៅទាក់ទាញដៃគូអភិវឌ្ឍន៍នានាបន្ថែមទៀត។
បណ្តាប្រទេស CLMVT គួរសហការគ្នាក្នុងការដាក់ចេញ នូវវិស័យដែលទទួលផលប៉ះពាល់ពីសង្គ្រាមពាណិជ្ជកម្ម ព្រមទាំងពង្រឹងសាមគ្គីភាពនៅក្នុងតំបន់ CLMVT ផ្អែកលើមូលដ្ឋានឈ្នះ ឈ្នះ សំដៅឆ្លើយតបទៅនឹងតម្រូវការចាំបាច់ និងសក្តានុពលភាពនៃប្រទេសជាសមាជិក សំដៅធ្វើម្ចាស់ពិតប្រាកដលើប្រជាជាតិ CLMVT ទាំងអស់៕
