ដោយៈប៊ី
ភ្នំពេញៈ គម្រោងសាងសង់ដំណាក់កាលទី២ នៃប្រព័ន្ធផ្លូវដែកល្បឿនលឿនរបស់ថៃដែលជាប់នឹងខេត្តចំនួន៤ របស់កម្ពុជាគ្រោងនឹងចំណាយប្រាក់៣,២ពាន់លានដុល្លារ។
គម្រោងនេះត្រូវបានរំពឹងថា នឹងចំណាយទឹកប្រាក់១០១,៧ពាន់លានបាត (៣,២ ពាន់លានដុល្លារ)។ នេះបើយោងតាមការចុះផ្សាយរបស់គេហទំព័រAsia News Network នៅថ្ងៃទី២៧ ខែកក្កដា ឆ្នាំ២០២០។
ការពង្រីកខ្សែរថភ្លើង ដែលមានប្រវែង១៩០គីឡូម៉ែត្រ ពីរ៉ាក់យ៉ង-ចន្ថាបូរី-ត្រាត នេះ នឹងដំណើរការនៅជិតនឹងព្រំដែនប្រទេសកម្ពុជា។ ខេត្តចន្ថាបុរីមានព្រំប្រទល់ជាប់ខេត្តបាត់ដំបង និងប៉ៃលិនរបស់ប្រទេសកម្ពុជា រីឯខេត្តត្រាតមានព្រំប្រទល់ប៉ៃលិន បាត់ដំបង ខេត្តពោធិ៍សាត់ និងខេត្តកោះកុង។
នាយដ្ឋានផ្លូវដែករដ្ឋរបស់ថៃ (SRT)) បានជួលអ្នកពិគ្រោះយោបល់ ដើម្បីធ្វើការសិក្សាលទ្ធភាព លើផែនការសាងសង់ដំណាក់កាលទី២ នៃប្រព័ន្ធផ្លូវដែកល្បឿនលឿនដែលភ្ជាប់ព្រលានយន្តហោះអន្តរជាតិចំនួន៣នៅថៃ។ នេះបើយោងតាមការលើកឡើងរបស់ប្រធានគម្រោងពិសេស SRT លោក Sucheep Sooksawang។
លោកបន្តថា គម្រោងដំណាក់កាលទី២នេះ គ្របដណ្តប់លើការពង្រីកផ្លូវដែក ១៩០គីឡូម៉ែត្ររ៉ៃយ៉ង់-ចន្ថាបូរី -ត្រាត។
ការសិក្សានឹងបញ្ចប់នៅខែក្រោយ ហើយបញ្ជូនទៅខុទ្ទកាល័យនៅឆ្នាំក្រោយ។ បន្ទាប់មក SRT នឹងរៀបចំផែនការវិនិយោគសាធារណៈឯកជននៅឆ្នាំ ២០២២ មុនពេលស្នើសុំការដេញថ្លៃរបស់អ្នកសាងសង់នៅឆ្នាំ២០២៤។
ជម្រើសទី១នៃការចេញថ្លៃ ក្រុមហ៊ុនឯកជននឹងវិនិយោគលើការសាងសង់ ប្រព័ន្ធរថភ្លើង រថភ្លើង ប្រតិបត្ដិការ និងថែទាំ រីឯ SRT នឹងដោះស្រាយបញ្ហាដីធ្លី។
ជម្រើសទី២ក្រុមហ៊ុនឯកជនមួយ នឹងវិនិយោគលើប្រព័ន្ធរថភ្លើង រថភ្លើង ប្រតិបត្ដិការ និងថែទាំ រីឯ SRT ដោះស្រាយដីធ្លី និងទទួលខុសត្រូវលើការសាងសង់។
ជំរើសទី៣ ក្រុមហ៊ុនឯកជននឹងទទួលខុស ត្រូវលើប្រតិបត្តិការនិងថែទាំដោយអេស។ ធី។ ឌីថែរក្សានៅសល់៕
