ភ្នំពេញ៖ ក្រុមហ៊ុន Viking បានប្រកាសត្រៀមដាក់ឱ្យដំណើរការនាវាទេសចរណ៍ថ្មីមួយទៀត សម្រាប់បំរើឱ្យវិស័យទេសចរណ៍នៅតាមដងទន្លេងមេគង្គនៅឆ្នាំក្រោយនេះ ពីទីក្រុងកំពង់ចាមរបស់ប្រទេសកម្ពុជា ទៅកាន់ទីក្រុងហូជីមិញរបស់ប្រទេសវៀតណាម។
តាមយការចុះផ្សាយរបស់គេហទំព័រ Travel Agent Central នៅសប្តាហ៍នេះ ឱ្យដឹងថា នាវាទេសចរណ៍ដ៏ធំមួយនេះ បាននឹងកំពុងសាងសង់ ដែលអាចផ្ទុកភ្ញៀវទេសចរប្រមាណ ៨០ នាក់ ដែលគ្រោងនឹងបង្ហាញខ្លួននៅថ្ងៃទី ៣០ ខែសីហាឆ្នាំ ២០២១ខាងមុននេះ ។
គោលបំណងនៃការសាងសងនាវាទេសចរណ៍នេះ គឺដើម្បីលើកម្ពស់វិស័យទេសចរណ៍តាមដងទន្លេមេគង្គ ។ នាវានេះនឹងមានការរចនាស្រដៀងទៅនឹង នាវា Scandinavian និងនាវាក្រុមហ៊ុន Viking ។ នាវាទេសចរណ៍នេះ មានរចនាបទដូចទៅនឹងសណ្ឋាគារដែលមានបន្ទប់គេង មានគ្រែ មានទ្វាកញ្ចក់ជាមួយនឹងវ៉េរ៉ងដារ ឬ យ៉បែបបទបារំាង។
នាវាទេសចរណ៍ថ្មីនេះ មានទាំងស្បារ និងកន្លែងហាត់ប្រាណ អាងហែលទឹក និង ស្កាយបារនៅជាន់ខាងលើដែលអាចស្រូបយកអាកាសធាតុដ៏បរិសុទ្ធតាមដងទន្លេមេគង្គ។ ភ្ញៀវទេសចរទាំងអស់ដែលធ្វើដំណើរកម្សាន្តតាមរយៈនាវានេះនឹងអាចគយគនទេសភាព ទីក្រុង ភូមិនេសាទ វត្តអារាម និងផ្សារអណ្តែតទឹកបានផងដែរ៕
