ដោយគង់ សូរិយា
ភ្នំពេញៈ តារាកំប្លែងក្រម៉ាច់ក្រមើម ដ៏ល្បីល្បាញពាសពេញពិភពលោក គឺ Mr Bean បានមកទស្សនាប្រាសាទអង្គរវត្តដ៏ល្បីល្បាញរបស់កម្ពុជា ក៏ដូចជាបេតិកភ័ណ្ឌដ៏មហស្ចារ្យរបស់ពិភពលោក។
យោងតាមការផុសបណ្តាញទំនាក់ទំនងសង្គម ដែលធ្វើឡើងដោយបុរសម្នាក់ស្លៀកសម្លៀកបំពាក់ជាមគ្គុទេសក៏ទេសចរណ៍កម្ពុជា ឈ្មោះ Pun Leu បានសរសរថា ជួយសែរមួយផង ដើម្បីឲ្យពិភពលោកកាន់តែដឹងថា ភាពល្បីល្បាញរបស់ខ្មែរយើងខ្លាំងប៉ុណ្ណា។
លោក Pun Leu បានសរសេរបន្តថា “ស្ងាត់ៗគាត់បានមកលេងទឹកដីអង្គរដ៏បវរនៃយើង” ។ ទោះជាយ៉ាងណា លោក Pun Leu មិនបានបញ្ជាក់ពីកាលបរិច្ឆេទថា Mr Bean មកទស្សនាប្រាសាទអង្គរវត្តពីពេលណាមកនោះទេ។
នៅក្នុងបណ្តាញទំនាក់ទំនងសង្គមរបស់ខ្លួន ដែលមានអ្នកចុច Like ជាង ៨៦លាននាក់ នៅទូទាំងពិភពលោក Mr Bean ក៏មិនបានបង្ហាញថា លោកមកទស្សនាប្រទេសកម្ពុជា ពិសេសប្រាសាទអង្គរនៅពេលណានោះទេ៕
