យើងកំពុងឆ្លងកាត់ពេលវេលាដ៏តានតឹង តែឆ្ពោះទៅមុខដោយភាពជឿជាក់
ភ្នំពេញៈ នៅសល់រយៈពេលពីរថ្ងៃទៀតប៉ុណ្ណោះ យើងនឹងឆ្លងឆ្នាំថ្មីជាមួយគ្នា ដោយស្វាគមន៍ព្រះនាងមណ្ឌាទេវី ដែលនឹងយាងមកជំនួសព្រះនាងគោរាគៈទេវី ជាពេលដែលកម្ពុជា និងពិភពលោកកំពុងឆ្លងកាត់សោកនាដកម្មរួមគ្នាមួយ។
ជាមួយនឹងពេលវេលាដ៏លំបាក ដែលយើងបានឆ្លងកាត់នេះ យើងបានបន្តរួបរួមគ្នានិងឆ្លងកាត់ការលំបាកជាមួយគ្នា ហើយមិនបោះបង់គ្នា។
ក្នុងនាមសហស្ថាបនិក និងជាអគ្គនាយកគេហទំព័រ Propertyarea.asia និងគេហទំព័រCambodiafinancialtimes.com នឹងបន្តពង្រឹងនូវបទដ្ឋានវិជ្ជាជីវៈរបស់យើងឲ្យបានកាន់តែប្រសើរ ពីមួយថ្ងៃទៅមួយថ្ងៃ ដោយឈរលើបាវចនា ផ្តល់ជូននូវព៌តមានពិត លឿន រហ័ស អាចទុកចិត្តបាន និងឈរលើមូលដ្ឋានក្រមសីលធ៌មវិជ្ជាជីវៈជាស្នូល” ។
ជាមួយនឹងការទទូលបានការគាំទ្រ កើនឡើងបបន្តបន្ទាប់ពីមិត្តអ្នកអាន ដៃគូសហការ ដែលយើងតែងតែចាត់ទុកអស់លោក លោកស្រីជាដៃគូរបស់យើង ជាជាងគិតពីជំនួញ ទើបយើងបានរិះរកគ្រប់់មធ្យោបាយ ដើម្បីពង្រឹង ផ្តល់ព៌តមានកាន់តែសម្បូរបែប ឆ្លើយតបតាមការចង់បានរបស់អ្នកអាន និងអ្នកស្តាប់របស់យើង និងរុញផលិតផលរបស់លោក អ្នកដល់ដៃអតតិថិជន។
ជាមួយមហិច្ឆតាក្នុងការផ្តល់នូវព៌តមាន និងចំណេះដឹងកាន់តែសម្បូរបែប ទើបយើងមានកម្មវិធីព៌តមានមួយថ្ងៃពីរអត្ថបទ និងកិច្ចសម្ភាសន៍បីដងក្នុងមួយសប្តាហ៍ រៀងរាល់ថ្ងៃច័ន្ទ ពុធ និងសុក្រ ដើម្បីឆ្លើយតបនឹងការវិវត្ត និងការប្រែប្រួលនៃនិន្នាការសង្គម ហើយនៅពេលឆាប់ៗខាងមុខ យើងនឹងមានផលិតផលថ្មីមួយទៀត សម្រាប់មិត្តអ្នកអាន។
ដោយទទួលបានការទទួលស្គាល់ពីមជ្ឈដ្ឋានជាតិ និងអន្តរជាតិ និងការគាំទ្រពីដៃគូពាណិជ្ជកម្មរបស់យើង យើងបាននិងកំពុងផ្តល់ព៌តមាន ដែលអាចយកទៅប្រើប្រាស់ជាមូលដ្ឋានក្នុងការពិចារណាដល់អ្នកអាន អ្នកស្តាប់របស់យើង សម្រាប់ប្រើប្រាស់ជាត្រីវិស័យនៅក្នុងផែនការអភិវឌ្ឍន៍របស់ខ្លួន។
ជាពិសេសយើងកំពុងចូលរួមចំណែកជាមួយរាជរដ្ឋាភិបាល ក្នុងការផ្តល់ព៌តមានមានលក្ខណៈវិជ្ជមាន រិះគន់ក្នុងន័យស្ថាបនា ដើម្បីលើកកំពស់ ក៏ដូចជាផ្សព្វផ្សាយព៌តមាន ពីសក្តានុពលសេដ្ឋកិច្ចសង្គមកម្ពុជាទៅកាន់ពិភពលោក ដើម្បីទាក់់ទាញវិនិយោគិនអន្តរជាតិមកវិនិយោគនៅកម្ពុជាកាន់តែច្រើនថែមទៀត។
ជាថ្មីម្តងទៀត យើងខ្ញុំសូមគោរពថ្លែងអំណរគុណ ដល់ដៃគូសហការទាំងអស់មេត្តាទទួលបាននូវការរីកចម្រើន និងជោគជ័យលើអាជីវកម្ម មុខជំនួញនានាកាន់តែច្រើនថែមទៀត នៅក្នុងឳកាសឆ្នាំថ្មី ដែលនឹងចូលមកដល់នៅពេលឆាប់ៗខាងមុខនេះ។
សូមព្រះនាងមណ្ឌាទេវី ជួយប្រោះព្រំថ្នាក់ដឹកនាំនៃរាជរដ្ឋាភិបាលកម្ពុជា ពិសេសសម្តេចអគ្គមហាសេនាបតីតេជោហ៊ុន សែន សម្តេចកិត្តិព្រឹទ្ធបណ្ឌិតប៊ុន រ៉ានីហ៊ុន សែន ឯកឧត្តមរដ្ឋមន្ត្រីក្រសួងព៌តមានខៀវ កាញារីទ្ធ និងដៃគូសហការទាំងអស់សូមជួបប្រទះនូវសុខភាពល្អ អាយុយឺនយូរ ប្រាសចាកអស់រោគាព្យាបាទ និងជួបតែនូវស្នាមញញឹម ជោគជ័យគ្រប់សេចក្តីប៉ងប្រាថ្នាទាំងអស់៕
សូមអរគុណ
