ដោយៈគង់ ម៉ាលីន
ភ្នំពេញៈ គិតរហូតមកដល់ពេលនេះ ផ្សារសរុបចំនួន១៥ទីតាំងហើយ ក្នុងរាជធានីភ្នំពេញ ត្រូវបានប្រកាសឲ្យផ្អាកដំណើរការជាបណ្តោះអាសន្ន ដើម្បីទប់ស្កាត់ការរាលដាលនៃជំងឺកូវីដ១៩។
អ្នកនាំពាក្យរដ្ឋបាលរាជធានីភ្នំពេញ លោកម៉េត មាសភក្តីបានមានប្រសាសន៍ឲ្យដឹងនៅរសៀលថ្ងៃទី២២ ខែមេសា ឆ្នាំ២០២១នេះថា ផ្សារទាំង១៥ ក្នុងភូមិសាស្ត្ររាជធានីភ្នំពេញជាបណ្ដោះអាសន្ន រួមមាន៖ ១.មជ្ឈមណ្ឌលពាណិជ្ជកម្មផ្សារអូរឫស្សី (ខណ្ឌ៧មករា) ២.ផ្សារដើមគរ និងផ្សារបន្លែ (ខណ្ឌទួលគោក និងខណ្ឌបឹងកេងកង) ៣.ផ្សារចាស់(ខណ្ឌដូនពេញ) ៤.ផ្សារធំទួលសង្កែ (ខណ្ឌឫស្សីកែវ) ៥.ផ្សារបឹងត្របែកផ្លាហ្សា (ខណ្ឌចំការមន) ៦.ផ្សារត្រពាំងថ្លឹង (ខណ្ឌពោធិ៍សែនជ័យ)។
៧ ផ្សារឯករាជ្យ១(ខណ្ឌពោធិ៍សែនជ័យ)៨.ផ្សារទួលពង្រ(ខណ្ឌពោធិ៍សែនជ័យ) ៩.ផ្សារសេនជូរីផ្លាហ្សា(ខណ្ឌពោធិ៍សែនជ័យ) ១០.ផ្សារពោធិ៍ចិនតុង(ខណ្ឌពោធិ៍សែនជ័យ) ១១.ផ្សារកណ្ដាល(ខណ្ឌដូនពេញ) ១២.ផ្សារដេប៉ូ(ខណ្ឌទួលគោក) ១៣.ផ្សារពិភពថ្មីឈូកមាស(ខណ្ឌសែនសុខ) ១៤.ផ្សាររីករាយ(ខណ្ឌសែនសុខ) និង១៥.ផ្សារអូរឡាំពិក(ខណ្ឌបឹងកេងកង)៕
