ដោយៈគង់ សូរិយា
ភ្នំពេញៈ មន្រ្តីជាន់ខ្ពស់ក្រសួងសុខាភិបាលបានអះអាងថា វ៉ាក់សាំងបង្ការជំងឺកូវីដ១៩ ចំនួន២លានដូសទៀតនឹងមកដល់កម្ពុជានៅចុងខែមិថុនាខាងមុខនេះ។
លោកជំទាវយក់ សម្បត្តិរដ្ឋលេខាធិការក្រសួងសុខាភិបាល និងជាប្រធានក្រុមការងារប្រតិបត្តិការបច្ចេកទេស និងផ្គត់ផ្គង់នៃគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩បានមានប្រសាសន៍ឲ្យដឹងនារសៀលថ្ងៃទី២៣ មិថុនានេះថា បើគ្មានការប្រែប្រួលនោះទេ វ៉ាក់សាំងកូវីដ-១៩ ចំនួន០២លានដូស នឹងដឹកមកដល់ប្រទេសកម្ពុជា នៅចុងខែមិថុនា ឆ្នាំ២០២១ ដោយចំនួន១លានដូសមកដល់កម្ពុជា នាវេលាម៉ោង១០ និង១៥នាទីព្រឹក ថ្ងៃទី២៦ ខែមិថុនា ឆ្នាំ២០២១ និងចំនួន១ដូសទៀត នឹងមកដល់កម្ពុជា វេលាម៉ោង១០ និង១៥នាទីព្រឹក ថ្ងៃទី២៨ ខែមិថុនា ឆ្នាំ២០២១។
