ដោយ វុត្ថា
ភ្នំពេញ៖ យោងតាមការចុះផ្សាយសារព័ត៌មាន The Star Online បានអោយដឹងថា ដោយសារតែមានកើនឡើង នៃជំនឿរបស់អ្នកវិនិយោគ និងការលើកកម្ពស់ស្តង់ដារខុនដូបានធ្វើឲ្យទីផ្សារខុនដូរប្រណីតនៅក្នុងទីក្រុង Kuala Lumpur នឹងរីកចម្រើនឡើងវិញនៅក្នុងចុងឆ្នាំ ២០១៨នេះ។
ក្រុមហ៊ុនអចនលទ្រព្យ Knight Frank បានសរសេរនៅក្នុងរបាយការណ៍ស្តីពីអចលនទ្រព្យសម្រាប់ពាក់កណ្តាលឆ្នាំ២០១៨នេះ មានចំនួនអ្នកដែលចុះបញ្ជីទិញខុនដូរប្រណីត ដែលមានសក្កដានុពលមានចំនួនច្រើនបន្ទាប់ពីការបោះឆ្នោតរួចរាល់។
ក្រុមអ្នកវិនិយោគបានបង្ហាញទំនុកចិត្តជាថ្មី ចំពោះរដ្ឋាភិបាលថ្មីដែលដឹកនាំដោយលោកនាយករដ្ឋមន្រ្តី Mahathir Mohamad ដែលត្រូវបានជ្រើសរើសឲ្យដឹកនាំប្រទេសនេះឡើងវិញ។ ពួកគេមើលឃើញពីការរីកចម្រើនឡើងវិញនៅសេដ្ឋកិច្ច និងនិងតម្លៃផ្សេងៗក្នុងចំណោមវិស័យផ្សេងទៀតនោះបង្ហាញថា ជាឪកាសនៃការងើបឡើងវិញនូវទីផ្សារអចលនទ្រព្យនៅក្នុងទីក្រុង Kuala Lumpur ។
ជាមួយគ្នានោះ ក្រុមអ្នកពិគ្រោះយោបល់ ក៏បានស្នើរអោយមានអនុវត្តការបង់ពន្ធថ្មី ដើម្បីមានភាពវិជ្ជមានដល់ផ្នែកពាណិជ្ជកម្មលើវិស័យអចលនទ្រព្យ។
ក្រុមអ្នកវិភាគរបស់ក្រុមហ៊ុន Knight Frank បានបញ្ជាក់ថា អត្រាបង់ពន្ធសូន្យលើទំនិញនិងសេវាកម្ម (GST) នឹងជំរុញអនុវិស័យពាណិជ្ជកម្ម ឲ្យមានការរីកចម្រើន ខណៈដែលអ្នកទិញអចលនទ្រព្យពាណិជ្ជកម្ម ក្នុងអំឡុងការបង់ពន្ធនៅក្នុងថ្ងៃសម្រាកគឺ0%។
ក្រុមអ្នកវិភាគបានព្យាករណ៍បន្ថែមទៀតថា វិស័យលំនៅដ្ឋាន ដែលលើកលែងពីការបង់ពន្ធ GST មិនអាចចុះបញ្ជីតម្លៃក្នុងរយៈពេលខ្លីបានទេ ដោយសារនៅលើទីផ្សារមានក្រុមហ៊ុនអភិវឌ្ឍន៍កាន់តែច្រើន កំពុងបាញ់ឆ្ពោះទៅកាន់ទីជនបទ ដើម្បីលើកកម្ពស់ផលិតផល ដែលទើបចាប់ផ្តើម និងដើម្បីជម្រះស្តុកអចលនទ្រព្យ ដែលមានស្រាប់តាមរយៈការផ្តល់កញ្ចប់បញ្ចុះតម្លៃ និងកញ្ចប់ផ្សព្វផ្សាយឱ្យកាន់តែល្អប្រសើរ។
ខុនដូ និងផ្ទះល្វែងប្រហែលចំនួន២១៦យូនីត ត្រូវបានដាក់លក់ក្នុងទីក្រុងកូឡាឡាំពួនៅត្រីមាសទី1 ឆ្នាំនេះពោលគឺធ្លាក់ចុះពីចំនួន២៣៨ យូនីតក្នុងត្រីមាសទី៤នៃឆ្នាំ ២០១៧ ៕
