ដោយ៖សុផារី
ក្រចេះ៖ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា មានប្រសាសន៍ពីទឹកដីខេត្តក្រចេះមកថា មួយផ្នែកលើការរីកចម្រើនរបស់កម្ពុជា ក៏មិនអាចកាត់ផ្តាច់ចេញ ពីជំនួយឧបត្ថមពីដៃគូអភិវឌ្ឍន៍ទាំងអស់បានទេ ជាពិសេសប្រទេសជប៉ុន។
សម្តេចតេជោ ហ៊ុន សែន បានថ្លែងថា “មួយផ្នែកការរីកចម្រើនរបស់កម្ពុជា ក៏មិនអាចកាត់ផ្តាច់ ចេញពីជំនួយឧបត្ថមពី ដៃគូអភិវឌ្ឍន៍ទាំងអស់ និយាយជារួម និងនិយាយដោយឡែក ពីប្រទេសជប៉ុនតែម្តង ខ្ញុំសូមយកឱកាសនេះ តាមរយៈឯកអគ្គរាជទូតជប៉ុន និង តាមរយៈចាយការ សូមសម្តែងនូវការអរគុណ ដែលបានផ្តល់ថវិការសាងសង់ស្ពានទាំង៧នេះ”។
នៅព្រឹកថ្ងៃទី១៦ ខែកុម្ភៈ ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា កំពុងអញ្ជើញជាអធិបតីដ៏ខ្ពង់ខ្ពស់ក្នុងពិធីសម្ពោធដាក់ឱ្យប្រើប្រាស់ជាផ្លូវការស្ពានចំនួន ០៧កន្លែង ក្នុងខេត្តព្រៃវែងចំនួន ០២កន្លែង លើកំណាត់ផ្លូវជាតិលេខ១១ និងក្នុងខេត្តក្រចេះចំនួន ០៥កន្លែង លើកំណាត់ផ្លូវជាតិលេខ៧៣។ ស្ពានថ្មីទាំង ៧កន្លែង ក្នុងខេត្តព្រៃវែង និងខេត្តក្រចេះនេះ មានតម្លៃប្រមាណ ៣៥លានដុល្លារ ជាជំនួយឥតសំណងរបស់ប្រទេសជប៉ុន៕
