ដោយ វុត្ថា
ភ្នំពេញ៖ សមាគមប្រជាជាតិអាស៊ីអាគ្នេយ៍ (Asean) ចង់អោយសមាជិករបស់ខ្លួនបង្កើតទីក្រុងវៃឆ្លាត ( Smart City) ដែលគ្រប់គ្រងដោយបច្ចេកវិទ្យាអោយបានកាន់តែច្រើន និងឆាប់រហ័យ ដើម្បីឆ្លើយតបទៅនឹងការរីកចម្រើនបច្ចេកវិទ្យា ឬបដិវដ្តន៍ឧស្សាហកម្មទី៤នៅក្នុងពិភពលោក។
លោក ហង់ ជួនណារ៉ុង រដ្ឋមន្ត្រីក្រសួងអប់រំ យុវជន និងកីឡាបានថ្លែងអោយដឹងកាលពីថ្ងៃទី១៩ វិច្ឆិកាកន្លងមកថា នៅក្នុងកិច្ចប្រជុំកំពូលអាស៊ានលើកទី៣៣ នាយករដ្ឋមន្ត្រីប្រទេសសឹង្ហបុរី និងជាប្រធានកិច្ចប្រជុំ លោកLee Hsien Loong បានជម្រុញអោយប្រទេសជាសមាជិកទាំងអស់បង្កើតទីក្រុងវៃឆ្លាត។ ជាមួយគ្នានោះ មេដឹកនាំអាស៊ានក៏បានអនុម័តលើក្របខ័ណ្ឌស្ដីពី បណ្ដាញទីក្រុងឆ្លាតវៃសំដៅតភ្ជាប់ទីក្រុងចំនួន ២៦ ដើម្បីកែលំអសេវាកម្មសាធារណៈ និងនាំមកនូវឱកាសសេដ្ឋកិច្ចជាច្រើនថែមទៀត សម្រាប់ប្រជាជន។
លោកពន្យល់ថា ទីក្រុងវៃឆ្លាត ឬ Smart City នេះ គឺជាទីក្រុងដែលគ្រប់គ្រងដោយប្រព័ន្ធបច្ចេកវិទ្យា ដែលបំពាក់ដោយកាមេរ៉ាសុវត្ថិភាពគ្រប់ទីកន្លែង នៅពេលមានឧក្រឹដ្ឋកម្មដូចជាចោឆក់ ឬប្លន់ជាដើម អាចឆែកតាមកាមេរ៉ាសំគាល់មុខ នឹងអាចចាប់បានភ្លាមៗ និងការគ្រប់គ្រងប្រព័ន្ធភ្លើងបិតដោយស្វ័យប្រវត្តិ ឬបញ្ជាតាមប្រព័ន្ធបច្ចេកវិទ្យាបិតទ្វាផ្ទះដើម។
ដើម្បីទាក់ទាញអ្នកវិយោគមកកម្ពុជា ការគ្រប់គ្រងទីក្រុងវៃឆ្លាត ឬការបង្កើតឧស្សាហកម្មថ្មីនេះ គឺប្រទេសកម្ពុជាត្រូវការ អ្នកដែលមានចំណេះទៅលើបច្ចេកវិទ្យាច្បាល់លាស់។
លោកហង់ ជួន ណារ៉ុនបានបន្តថា ដូច្នេះក្រសួងត្រូវតែបង្កើតសាលា ដើម្បីបង្រៀនបច្ចេកវិទ្យា ដើម្បីជម្រុញអោយមានបំណិន ចំណេះ ជំនាញ និងមានទុនក្នុងការវិនិយោគបន្ថែមទៀតទៅលើវ័យទាំងនេះ ព្រោះប្រទេសកម្ពុជាមានការកង្វះខាតថវិកា ក្នុងការវិនិយោគ តែយ៉ាងណាក៏ដោយប្រទេសកម្ពុជាកំពុងតែដើរទៅមុខបន្តិចម្តង។
ប្រទេសជាសមាជិកមួយចំនួននៅក្នុងតំបន់អាស៊ាននេះ បាននិងកំពុងអភិវឌ្ឍន៍ទីក្រុងរបស់ខ្លួនទៅជាទីក្រុងវៃឆ្លាត (Smart City) ដូចជាទីក្រុងសឹង្ហបុរី ទីក្រុងហាន់ណូយរបស់ប្រទេសវៀតណាម ទីក្រុងហ្សាកាតារបស់ប្រទេសឥណ្ឌូនេះស៊ី ទីក្រុងកូឡាឡាំពួរបស់ប្រទេសម៉ាឡេស៊ី ទីក្រុង ម៉ាន់ដាឡៃ របស់ប្រទេសភូមា និង ទីក្រុងភូកេតរបស់ប្រទេសថៃជាដើម៕
