សម្តេចតេជោរំលឹកអតីតកាលឆ្នាំ២០០៤ ប្រទេសកម្ពុជាមានអាគារខ្ពស់ត្រឹម៧ជាន់ហើយមានត្រឹមតែមួយប៉ុណ្ណោះ

ភ្នំពេញ៖ សម្ដេចតេជោ ហ៊ុន សែន បានរំលឹកអតីតកាលរបស់ប្រទេសកម្ពុជា ដែលកាលនោះ នៅក្នុងឆ្នាំ២០០៤ មានអាគារខ្ពស់បំផុតត្រឹមតែ៧ជាន់ទេ ហើយមានតែមួយតែប៉ុណ្ណោះ ខណៈបច្ចុប្បន្ននេះ នៅក្នុងប្រទេសកម្ពុជា ជាពិសេសនៅក្នុងក្រុងភ្នំពេញ មានវត្តមានអាគារខ្ពស់ៗជាច្រើន។

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងនៅក្នុងពិធីប្រគល់សញ្ញាបត្រ ជូននិស្សិតជ័យលាភី របស់សាកលវិទ្យាល័យអាស៊ី-អឺរ៉ុប ប្រមាណ៣.០០០នាក់ នៅព្រឹកថ្ងៃទី២៣ ខែសីហានេះ។

សម្ដេចបានចោទជាសំណួរទាក់ទងនឹងទីតាំងអាគារពាណិជ្ជកម្មនិងពិព័រណ៌ជ្រោយចង្វារថា “ទាក់ទងនឹងការអភិវឌ្ឍ ដីកន្លែងនេះជាកន្លែងអ្វី? ដើមត្រែងយោល។ ឥឡូវយើងអភិវឌ្ឍទៅជាទីក្រុងមួយនៅទីនេះ។ តើឱ្យអភិវឌ្ឍន៍ ឬធ្វើអ្វី?”។