ដោយ: លាងហួរ
ប្រទេសចិន: ក្រុមហ៊ុនChina State Railway Group Co., Ltd. (China Railway) បាននិងកំពុងខិតខំធានា ឱ្យមានការដឹកជញ្ជូនធ្យូងថ្មដោយរលូន ចំពេលមានការកើតឡើងជាថ្មី នៃជំងឹកូវីដ១៩ និងសីតុណ្ហភាពកើនឡើងខ្ពស់នាពេលថ្មីៗនេះនៅក្នុងប្រទេសចិន។
ក្រុមហ៊ុនលំដាប់យក្ស របស់រដ្ឋាភិបាលចិននេះបានរាយការណ៍ថា ចាប់ពីថ្ងៃទី២០ខែមិថុនា ដល់ថ្ងៃទី៣១ខែសីហា បណ្តាញផ្លូវដែករបស់ប្រទេសចិន បានដឹកជញ្ជូនធ្យូងថ្មចំនួន៣២០លានតោន ដែលប្រើប្រាស់សម្រាប់ផលិតថាមពលកើនឡើង៣០ភាគរយ ពីមួយឆ្នាំទៅមួយឆ្នាំ។
ទន្ទឹមនឹងនេះ ធ្យូងថ្មកំដៅចំនួន៦៣,៤លានតោន ត្រូវបានរក្សាទុកនៅក្នុងរោងចក្រ ផ្គត់ផ្គង់ថាមពលចំនួន៣៦៣កន្លែង គិតត្រឹមថ្ងៃទី៣១ខែសីហា ដែលអាចធានាបាននូវការផលិតថាមពលក្នុងរយៈពេល២៥ថ្ងៃ។
ក្រុមហ៊ុននឹងបន្តសម្របសម្រួលការគ្រប់គ្រង ដើម្បីធានាការដឹកជញ្ជូនធ្យូងថ្មដោយរលូន ដោយសន្យាថា នឹងខិតខំប្រឹងប្រែងបន្ថែមទៀតដើម្បីធានាការផ្គត់ផ្គង់តំបន់សំខាន់ៗ និងរោងចក្រថាមពល៕
