ដោយៈគង់ សូរិយា
សៀមរាបៈ ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ លោក ជា សុផារ៉ា នាព្រឹកថ្ងៃទី១៥ កញ្ញានេះ បានដឹកនាំក្រុមការងារ ចុះពិនិត្យមើលសកម្មភាពពលរដ្ឋនៅភូមិវាល សង្កាត់គោកចក ក្រុងសៀមរាប ចាប់ឆ្នោតយកដីឡូតិ៍ភូមិធម្មជាតិរុនតាឯក។
ប្រជាពលរដ្ឋជិត១ពាន់គ្រួសារ ក្នុងភូមិវាល ត្រូវបានរៀបចំឱ្យចាប់ឆ្នោតយកក្បាលដីឡូតិ៍ នៅភូមិធម្មជាតិរុនតាឯក ស្រុកបន្ទាយស្រី ដើម្បីឱ្យអាជ្ញាធររៀបចំតំបន់រមណីយដ្ឋានអង្គរ ឱ្យកាន់តែមានភាពទាក់ទាញឡើង។ ក្នុងពិធីនាពេលនោះ ប្រជាពលរដ្ឋបានបង្ហាញអារម្មណ៍ សប្បាយរីករាយជាខ្លាំង ដែលរាជរដ្ឋាភិបាលរៀបចំ ផ្តល់ដីកម្មសិទ្ធិឱ្យពួកគេ ក៏ដូចជាអរគុណដល់ឧបនាយករដ្ឋមន្រ្តី ជា សុផារ៉ា ចំពោះបេសកកម្មដ៏ជោគជ័យមួយនេះ។
