ដោយ: លាងហួរ
ម៉ាឡេស៊ី: ក្រុមហ៊ុនអភិវឌ្ឍន៍អចលនទ្រព្យ នៅភាគខាងលិចប្រទេសម៉ាឡេស៊ី បានរាយការណ៍ថាការបើកដំណើរការយូនីត និងការលក់ធ្លាក់ចុះ២៦ និង៥ភាគរយរៀងគ្នា នៅឆមាសទីមួយនៃឆ្នាំ២០២២។ នេះបើយោងតាមសមាគមអ្នកអភិវឌ្ឍន៍អចលនទ្រព្យ និងលំនៅដ្ឋាន(Rehda) របស់ប្រទេសម៉ាឡេស៊ី។
ការស្ទង់មតិរបស់ Rehda លើអ្នកឆ្លើយសំណួរចំនួន១៥០នាក់ ដែលបានចេញផ្សាយនៅថ្ងៃពុធ ទី១២ ខែតុលា បានរកឃើញថាអចលនទ្រព្យ៧៨៤៣យូនីត ត្រូវបានដាក់ឱ្យបើកលក់ក្នុងឆមាសទី១ ដែលក្នុងនោះ៤៥ភាគរយ ឬ៣៥៤៩យូនីត ត្រូវបានលក់អស់ក្នុងរយៈពេលដូចគ្នា។
ប្រធានសមាគមលោក Datuk NK Tong ដែលបានបង្ហាញទិន្នន័យបាននិយាយថា ប្រតិបត្តិការលក់មាននិន្នាការធ្លាក់ចុះ ដោយសារតែ៥០ភាគរយ ឬ៥៣០៣យូនីត ត្រូវបានលក់អស់ក្នុងឆមាសទី២ បើធៀបនឹងយូនីតសរុបចំនួន១០.៦៦៥ ដែលបានដាក់លក់ក្នុងអំឡុងពេលនោះ។
ប្រភេទអចលនទ្រព្យ ដែលត្រូវបានបើកលក់ក្នុងឆមាសទី១ រួមមានលំនៅដ្ឋាន៩៤ភាគរយ ឬ៧២៨៧យូនីត និងប្រភេទអចលទ្រព្យបែបពាណិជ្ជកម្មចំនួន៦ភាគរយ។
លោកបន្តថា ប្រភេទអចលនទ្រព្យ ដែលចេញលក់ច្រើនជាងគេក្នុងឆមាសទី១ គឺផ្ទះជាន់ផ្ទាល់ដីពី២ ទៅ៣ជាន់ មាន៣៨៨៤យូនីត បន្ទាប់មកគឺអាផាតម៉ិន (១៧៨៣យូនីត) និងផ្ទះមានកំពស់ទាបៗមានចំនួន៤៩៥យូនីត៕
