ដោយៈគង់ សូរិយា
កំពង់ចាមៈ ទេសរដ្ឋមន្ដ្រីក្រសួងសាធារណការ និងដឹកជញ្ជូន លោកស៊ុន ចាន់ថុលបានបញ្ជាក់ជាផ្លូវការថា គម្រោងពង្រីកផ្លូវបួនគន្លងពីរទៅ២មក ពីទីប្រជុំជនស្រុកជើងព្រៃ ទៅកាន់ក្រុងកំពង់ចាមបានទទួលការអនុម័តកម្ចីពីរដ្ឋាភិបាលចិនរួចហើយ។
ថ្លែងក្នុងសន្និសីទសារព័ត៌មាន ស្ដីពី “សមិទ្ធផលសម្រេចបានរយៈពេល ៥ឆ្នាំកន្លងមករបស់ក្រសួងសាធារណការ និងដឹកជញ្ជូន” នាទីស្ដីការគណៈរដ្ឋមន្រ្ដី នៅព្រឹកថ្ងៃទី២៧ ខែតុលា ឆ្នាំ២០២២ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា គម្រោងទាំងពីរនេះ បានទទួលនូវការអនុម័តកម្ចី សំរាប់សាងសង់រួចរាល់ហើយ ហើយគម្រោងទាំងពីរនេះ នឹងត្រូវបើកការដ្ឋានសាងសង់ក្នុងពេលឆាប់ៗនេះហើយ។
