ដោយៈគង់ សូរិយា
ភ្នំពេញៈ អគ្គនាយកក្រុមហ៊ុនគេហទំព័រPropertyarea.asia លោកយិន លាងគង់ បានចុះអនុស្សរណៈនៃការយោគយល់គ្នា(MOU) ជាមួយលោក Zafar Ali Jatoi អគ្គនាយកនៃក្រុមហ៊ុនNafih Digital Marketing Agent Co.ltd សហការគ្នាលើការផ្តល់សេវាកម្មឌីជីថល ដើម្បីបំរើអតិថិជន។
កិច្ចសហការនេះ នឹងផ្តោតលើការធ្វើDigital Marketing រួមគ្នា ដោយឈរលើមូលដ្ឋានសម្រេចចិត្ត និងគោលការណ៍មួយចំនួនដូចជា ទី ១ ជួយផ្សព្វផ្សាយ ពីសេវាកម្មរបស់គ្នាទៅវិញទៅមក ដើម្បីរីកចម្រើនរួមគ្នា។ ទី២ នឹងនាំយកនូវកិច្ចសន្យា និងការផ្សាយពាណិជ្ជកម្មមកកាន់គេហទំព័រPropertyarea.asia ពីដៃគូសហការនានាក្នុងចំនួនច្រើន តាមដែលអាចធ្វើទៅបាន។
ទី៣ ភាគីទាំងពីរនឹងផ្តល់នូវផលិតផល ឬសេវាកម្មនានាជូនដល់គ្នាទៅវិញទៅមក។
លោកយិន លាងគង់សហស្ថាបនិក និងជាអគ្គនាយកគេហទំព័រPropertyarea.asiaបានមានប្រសាសន៍ បន្ទាប់ពីការចុះហត្ថលេខានាព្រឹកថ្ងៃទី២២ ធ្នូនេះថា បដិវត្តន៍ឧស្សាហកម្ម4.០បាន និងកំពុងជម្រុញឲ្យអាជីវកម្មនានាពង្រីកខ្លួន និងសេវាកម្មលើវិស័យឌីចីថល កាន់តែសកម្ម ដើម្បីដើរស្របនឹងនិន្នាការសង្គម ក៏ដូចជា ការរីកចម្រើនសេដ្ឋកិច្ច និងបច្ចេកវិទ្យា។
លោកបន្តថា “សេវាកម្មឌីជីថលMarketingដើរតួសំខាន់ និងមិនអាចខ្វះបាន ហេតុនេះយើងបាននិងកំពុងផ្តោតធ្វើការងារនេះ ដើម្បីផ្តល់សេវាកម្មប្រកបដោយគុណភាព ប្រសិទ្ឋភាពដល់អតិថិជន”។ លោកបន្តថា “យើងយល់ពីរសនិយម និងចិត្តសាស្រ្តអតិថិជន ដែលអ្នកប្រើប្រាស់សេវាកម្មរបស់យើងនឹងទទួលបានផលប្រយោជន៍ និងជោគជ័យ”។
លោកយិន លាងគង់បានបន្តថា ទស្សនវិស័យរបស់យើងគឺឈរលើមូលដ្ឋានឈ្នះ ឈ្នះ និងផ្តល់អាទិភាពដល់អតិថិជនជាមុន ឲ្យពួកគេឈ្នះជាមុន ទើបយើងសម្រេចបានជោគជ័យយូរអង្វែង និងប្រកបដោយចីរភាព”។
ជាមួយគ្នានេះ លោក Zafar Ali Jatoi អគ្គនាយកនៃក្រុមហ៊ុនNafih Digital Marketing Agent Co.ltdបានមានប្រសាសន៍ថា ពិតណាស់យើងឃើញសេវាកម្មDigital Marketingកំពុងរីកចម្រើនខ្លាំងនៅកម្ពុជា ស្របពេលធនធានមនុស្ស របស់ក្រុមហ៊ុនយើងកំពុងពង្រឹង ដើម្បីផ្តល់សេវាកម្ម និងផលប្រយោជន៍ដល់អតិថិជន។
លោកបន្តថា “យើងរីករាយក្នុងការសហការ និងឈរលើមូលដ្ឋានឈ្នះ ឈ្នះសម្រាប់អតិថិជនរបស់យើង”។
ម្ចាស់ក្រុមហ៊ុន អាជីវកម្ម និងសហគ្រាសនានាអាចទាក់ទងតាមប ណ្តាញទូរស័ព្ទ និងតេឡេក្រាមលេខ 086 48 55 66៕
