ដោយ៖ សហការី
ភ្នំពេញ៖ សម្ដេចតេជោ ហ៊ុន សែន នៅថ្ងៃទី២៧ ខែធ្នូ ឆ្នាំ២០២២នេះបានប្រកាសដាក់ឱសាទវាទ ដល់ក្រសួង អាជ្ញាធរ និងខេត្តនៅជុំវិញបឹងទន្លេសាប ឱ្យដោះស្រាយបញ្ហាដីធ្លីនៅបឹងទន្លេសាប និង ឲ្យចប់សព្វគ្រប់នៅត្រឹមចុងខែឧសភា ឆ្នាំ២០២៣ ខាងមុខ។
ថ្លែងក្នុងពិធីបិទសន្និបាតក្រសួងរៀបចំដែនដី នគររូបនីយកម្ម និងសំណង់ នៅរសៀលថ្ងៃទី២៧ ខែធ្នូ ឆ្នាំ២០២២នេះ សម្ដេចតេជោ ហ៊ុន សែន បានដាក់ឱសានវាទដល់ក្រសួងរៀបចំដែនដី នគរូបនីយកម្ម និងសំណង់ និងខេត្តនៅជុំវិញបឹងទន្លេសាប ត្រូវបញ្ចប់បញ្ហាកាប់ទន្រ្ទានដីនៅបឹងទន្លេសាប និងបិទបញ្ចប់ការកាត់ឆ្វៀលដីនៅតំបន់បឹងទន្លេសាបជូនដល់ប្រជាពលរដ្ឋបានត្រឹមត្រូវ និងឲ្យចប់សព្វគ្រប់នៅត្រឹមចុងខែឧសភា ឆ្នាំ២០២៣ ខាងមុខ។
សម្តេចតេជោបានសង្កត់ធ្ងន់ថា “ខ្ញុំសូមដាក់ការកំណត់ថា ឱ្យចប់នៅត្រឹមខែឧសភា ឆ្នាំ២០២៣ឱ្យចប់តែម្តង។ កុំឱ្យអូសបន្លាយតទៅទៀត”៕
