ដោយៈ ស៊ីវ ម៉េង
ភ្នំពេញៈ ការសិក្សាថ្មីមួយបានបង្ហាញថា ទំហំទីផ្សារការិយាល័យនឹងកើ់នដល់ជាង១លានម៉ែត្រការ៉េ នៅដំណាច់ឆ្នាំ២០២៣នេះ ខណៈតម្រូវការនឹងមានសភាពកាន់តែប្រសើរ។
យោងតាមការសិក្សារបស់ក្រុមហ៊ុនPropNex Cambodia ដែលបានបញ្ចប់និងបង្ហាញជាផ្លូវការកាលពីថ្ងៃទី៩ មករាកន្លងមកបានឲ្យដឹងថា ទំហំការិយាល័យសរុបនឹងកើនដល់១, ០៤៣,១៦៧ម៉ែត្រការ៉េ ជាមួយគំរោងសរុប ដែលបាននិងកំពុងត្រៀមបញ្ចប់ ការសាងសង់ចំនួន៩២គំរោង ក្នុងនោះគំរោងចំនួន៣ នឹងបញ្ចប់នៅឆ្នាំនេះ។
ទីផ្សារការិយាល័យ នៅកម្ពុជាមានភាពពេញនិយម សម្រាប់ការិយាល័យលំដាប់B និងលំដាប់C ដោយសារក្រុមហ៊ុនភាគច្រើន ជាក្រុមហ៊ុនលំដាប់មធ្យម ប៉ុន្តែទីផ្សារការិយាល័យកម្រិតA ក៏មានតម្រូវការកើនឡើងផងដែរ។
អ្នកជំនាញវិស័យនេះ បានសម្តែងសុទិដ្ឋិនិយមពីកំណើននេះ និងការកើនឡើងនូវវត្តមានក្រុមហ៊ុនក្នុងស្រុក និងអន្តរជាតិ ដែលនឹងធ្វើឲ្យអាគារការិយាល័យមានតម្រូវការច្រើន។
អ្នកស្រីអាន សុធីតាអគ្គនាយិកាក្រុមហ៊ុនPropNex Cambodiaបានមានប្រសាសន៍ថា វត្តមានក្រុមហ៊ុនថ្មីៗនឹងជួយដល់ទីផ្សារនេះ ស្របពេលការផ្គត់ផ្គង់ការិយាល័យនៅក្នុងទីផ្សារបានកើនឡើងផងដែរ។
អ្នកស្រីបន្តថា “ការវវិនិយោគអាគារការិយាល័័យ មានផលចំណេញពីការវិនិយោគល្អប្រសើរ ដោយសារអាគារការិយល័យ មិនចាំបាច់មានការឌីសាញច្រើននោះទេ”៕
