ដោយៈ គង់ សូរិយា
តាកែវៈ ជាមួយនឹងល្បឿននៃការសាងសង់ នៅទីបំផុតខ្លោងទ្វារដ៏ស្រស់ស្អាតនៃគំរោងឋានសួគ៌លំហែរ បានបញ្ចប់ការសាងសង់ហើយ ខណៈហេដ្ឋារចនាសម្ព័ន្ឋ ក្នុងគំរោងកំពុងពន្លឿនការសាងសង់ផងដែរ។
លើសពីនេះ ក្រុមហ៊ុនYoungsia Real Estateបាននិងកំពុងសាងសង់ផ្លូវធំៗ និងត្រៀមដាំផ្កាលឿងរាជចំនួន២០០០ដើម ក្នុងគំរោងនេះ ជាមួយនឹងហេដ្ឋារចនាសម្ព័ន្ឋជាច្រើនទៀត ដូចជា សួនច្បារ សួនទឹកកំសាន្តនិងគំរោងជាច្រើនទៀត។
លោកណុប ម៉ានុតប្រធានផ្នែកទីផ្សារ នៃគំរោងឋានសួគ៌លំហែរបានមានប្រសាសន៍ឲ្យដឹងនៅថ្ងៃទី១០ កុម្ភៈនេះថា ជាមួយនឹងផែនការចំពោះមុខ គំរោងដែលមានទំហំដី៣៣ហិកតានេះ បាននិងកំពុងទទួលការចាប់អារម្មណ៍កើនឡើងពីសាធារណៈជន ដែលរហូតមកទល់ពេលនេះ ការលក់របស់យើងសម្រេចវឌ្ឍនភាពតាមផែនការ។
លោកបន្តថា “អតិថិជនកាន់តែច្រើន កាន់តែចាប់អារម្មណ៍គំរោងនេះ ដោយសារពួកគេទុកចិត្តលើអ្នកអភិវឌ្ឍ ដែលបានធ្វើគំរោងបានល្អ ស្អាត និងលើសពីអ្វីដែលអតិថិជនរំពឹងទុក”។
ក្រុមហ៊ុនYonungsia Real Estateបាននិងកំពុងវិនិយោគគំរោងបូកគោលែន១ បូកគោលែន២ បូកគោលែន៣ និងគំរោងឆ្នេរសមុទ្រកោងកាង ដែលសុទ្ឋតែជាគំរោងទទួលបានជជោគជ័យ និងគាំទ្រពីសាធារណៈជន ដោយសារក្រុមហ៊ុនបានចំណាយទុនយ៉ាងច្រើនលើគំរោងទាំងនេះ។
លោកCooler Tanអគ្គនាយកក្រុមហ៊ុនYoungsia Real Estateបានមានប្រសាសន៍ឲ្យដឹងថា ដោយសារក្រុមហ៊ុនចង់សម្រេចក្តីសុបិនរបស់អតិថិជន ដែលចង់បានដីលំហែរពិតប្រាកដ យើងបាននិងកំពុងអភិវឌ្ឍន៍និងធ្វើដីលំហែរពិតប្រាកដ និងផ្តល់កន្លែងលំហែរប្រកបដោយផាសុខភាពសំរាប់សាធារណៈជន ដែលបានទិញគំរោងរបស់យើង។
លោកបន្តថា “ហេតុនេះគំរោងយើងងនិមួយៗ យើងបានចំណាយលុយខ្ទង់ម៉ឺន និងលានដុល្លារ ដើម្បីអភិវឌ្ឍន៍ឲ្យស្របតាមបរិបទនៃបែបផែនលំហែរ ស្តង់ដាអន្តរជាតិ”។លោកបន្តថា “យើងមិនចង់ឲ្យអតិថិជន ទិញដីលំហែរ ដែលមានតែឈ្មោះទេ តែយើងចង់ឲ្យពួកគាត់ទិញដីលំហែរ បានដីលំហែរពិតប្រាកដ និងលើសពីអ្វីដែលពួកគាត់ចង់បាន”៕