ដោយៈ គង់ សូរិយា
ភ្នំពេញៈ បុរីវិមានសំណាង បាននិងកំពុងសម្រេចបាននូវវឌ្ឈនៈភាពនៃការសាងសង់សំំណង់របស់ខ្លួន ដោយកាលពីសប្តាហ៍មុន បុរីនេះបានបង្ហាញម៉ូដផ្ទះវីឡាទាំង៣ប្រភេទ ដើម្បីស្វាគមន៍អតិថិជន និងអាចចូលទស្សនាដោយសេរី។
បុរីវិមានសំណាងអភិវឌ្ឈន៍ឡើង ដោយលោកឧកញ៉ាបណ្ឌិត គីម ហ៊ាង និងលោកជំទាវឧកញ៉ា គង់ សំណាង រួមមានប្រភេទ៖ ប្រភេទវីឡា ឃីង , វីឡា ឃ្វីន និងវីឡា ព្រីនស៍ សាងសង់រួចរាល់ជាបណ្ដើរៗបណ្ដាក់គ្នា ស្វាគមន៍អតិថិជនគ្រប់ស្រទាប់វណ្ណៈនៅកម្ពុជា អញ្ជើញចូលទស្សនាផ្ទាល់បានដោយសេរីហើយ។
លោកឧកញ៉ាស្ថាបនិកបុរីវិមានសំណាង បានមានប្រសាសន៍ឲ្យដឹងថា គម្រោងបុរីលំដាប់អភិជននៅកម្ពុជា ដដែលខាងលើបានពន្យល់លម្អិតថា៖ “ផ្ទះគំរូ ព្រីនស៍ វីឡា វីឡា ឃីង និងវីឡា ឃ្វីន ក្នុងគម្រោងបុរី វិមានសំណាង យើងខ្ញុំសាងសង់រួចរាល់ និងត្រៀមខ្លួនរួចរាល់ ស្វាគមន៍អតិថិជនទាំងអស់ ដែលកំពុងមានតម្រូវការទិញផ្ទះវីឡា បែបក្លាសិកដ៏ទាន់សម័យ និងធំទូលាយ ស័ក្តិសមសម្រាប់គ្រួសារដែលមានសមាជិកច្រើន និងប្រាថ្នាការរស់នៅប្រកបដោយឯកជនជនភាព និងទាន់សម័យ”។
ទន្ទឹមនឹងការ ស្វាគមន៍ទទួលអតិថិជន មកទស្សនាផ្ទះវីឡាគំរូផ្ទាល់បាន ផ្ទះវីឡារបស់អតិថិជនជាច្រើននាក់ផ្សេងទៀត ដែលបានទិញហើយ ក៏បាននឹងកំពុងបន្តវឌ្ឍនភាព នៃការសាងសង់ជិតរួចរាល់ជាបណ្ដើរៗផងដែរ។
គម្រោងបុរី វិមានសំណាង សាងសង់លើដីទំហំ ២៥ហិចតា ហើយមានវីឡា ៣ប្រភេទ គឺ៖
- វីឡា ឃីង (King Villa) សាងសង់លើដី 600m2 និងមានផ្ទៃសំណង់ ទំហំ 863m2 មាន ៧បន្ទប់គេង និងមាន ៨បន្ទប់ទឹក។
2 វីឡា ឃ្វីន (Queen Villa) សាងសង់លើដី 396m2 និងមានផ្ទៃសំណង់ ទំហំ 686m2 មាន ៦បន្ទប់គេង និងមាន ៧បន្ទប់ទឹក!។
3 . វីឡា ព្រីនស៍ (Prince Villa) សាងសង់លើដី 264m2 និងមានផ្ទៃសំណង់ ទំហំ 481m2 មាន ៥បន្ទប់គេង និងមាន ៦បន្ទប់ទឹក!។
វីឡាដែលជាលក្ខណៈពិសេស ដែលអតិថិជនមានទំនុកចិត្តកាន់តែខ្ពស់ជាមួយ គ្រប់ប្រភេទផ្ទះវីឡាម៉ូដក្លាសិក បែបអភិជន ក្នុងគម្រោងបុរី វិមានសំណាង គឺផ្ទះទាំងអស់មានកំពស់៣ជាន់ ប៉ុន្តែម្ចាស់គម្រោងបានចាក់ប្លង់សេឡើង ដល់៤សន្លឹកកន្លះ ដើម្បីធានាថា មិនជ្រាបទឹក។
សន្លឹកប្លង់សេទី៤ ដដែលនេះ បានរួមចំណែកក្លាយជាជាន់ស្កាយបា នៅលើដំបូលយ៉ាងមនោរម្យ សម្រាប់ម្ចាស់ផ្ទះប្រើប្រាស់ក្នុងគោលបំណងពហុមុខងារថែមទៀតផង។
បុរី វិមានសំណាង គឺស្ថិតនៅខាងជើងក្រសួងដែនដី ២៥០០ ម៉ែត្រ សាងសង់លើដី២៥ហិកតា ក្នុងនោះមានប្រភេទផ្ទះប្រណីតៗដូចជា វីឡាព្រីនបែបក្លាសិក វីឡាឃ្វីនបែបក្លាសិក និងជាវីឡាឃីងបែបក្លាសិក ឬបែបបារាំង ដែលចំណាយថ្លៃសាងសង់ច្រើនជាង និងប្រណិតជាងការសាងសង់វីឡាបែបទំនើបនានា។
ក្នុងគម្រោង បុរី មានសួនច្បារ កន្លែងហាត់ប្រាណ កន្លែងលេងកីឡា ផ្លូវធំ ដើមឈើច្រើន និងព្រែកធម្មជាតិស្មើជិត៤០% នៃផ្ទៃដីសរុប ដែលស័ក្តិសមបំផុត សម្រាប់គ្រួសារអភិជនកម្ពុជាស្នាក់នៅប្រចាំថ្ងៃ៕
