ពិភពលោក នឹងមាន​អគារ​ខ្ពស់បំផុត​មួយ​នៅក្នុង​ឆ្នាំ ២០២០

0

ដោយ៖ វុ​ដ្ឋា

ក្រោយពី​បញ្ចប់​សង្គ្រាមលោក លើក​ទី២ មក ប្រទេសមួយ​ចំនួន​នៅលើ​ពិភពលោក​បាន​សាងសង់​អគារ​ខ្ពស់កប់ពពក​ដើម្បី​បង្អួត និង​ចង់បង្ហាញ​ពី​ការរីកចម្រើន​ផ្នែក​សេដ្ឋកិច្ច និង​វប្បធម៌​របស់ខ្លួន​ទៅកាន់​ពិភព​ក ឲ្យ​ងា​មក​មើល​សក្ដានុពល​ផ្នែក​សេដ្ឋកិច្ច​របស់ខ្លួន តាមរយៈ​ការ​សាសង់​អគារ​ខ្ពស់កប់ពពក​នេះ។  គេហទំព័រ propertyarea.asia បានបង្ហាញ​អគារ​ជាច្រើន​នៅតាម​ប្រទេស​មួយចំនួន​ដែលមាន​សេដ្ឋកិច្ច​រីកចម្រើន នាពេលនេះ នឹង​សូម​ណែ​នាំអោយ​ស្គាល់​អគារ​ថ្មី​មួយទៀត ដែល​នឹង​បង្ហាញខ្លួន នៅ​ឆ្នាំ ២០២០ ខាងមុខ គឺ​អគារ Jeddah Tower។

អគារ Jeddah Tower ដែល​កាលពី​មុនគេ​ដាក់ឈ្មោះថា Kingdom Tower និង Mile-High Tower គឺជា​អគារ​ខ្ពស់កប់ពពក​មួយ​ដែល​កំពុង​សាងសង់​នៅក្នុង​ទីក្រុង Jeddah ប្រទេស​អារ៉ាប៊ីសាអ៊ូឌីត​ក្នុងតម្លៃ​បឋម​ប្រមាណ ជា ១. ២៣ ពាន់​លាន​ដុល្លារ សហរដ្ឋអាមេរិក។ បើតាម​គម្រោង អគារ​Jeddah Towerដែលជា​អគារ​ខ្ពស់កប់ពពក​នេះ​នឹងត្រូវ​បញ្ចប់​នៅក្នុង​ឆ្នាំ២០២០ ខាងមុខ ហើយ​ត្រូវគេ​រំពឹងថា​នឹង​ក្លាយជា​អគារ​ខ្ពស់​ជាងគេ​នៅលើ​ពិភពលោក ដែដែលមានរចនាសម្ពន្ធកំពស់​នៃ​អគារ​នេះ​រហូតដល់​មួយ​គីឡូម៉ែត្រ។

អគារ​នេះ ស្ថិតនៅ​ចំណុច​ស្នូល​នៃ​ទីក្រុង និង​ដំណាក់កាល​នៃ​ការអភិវឌ្ឍ​ទៅជា Jeddah Economic City ដែល​នៅជាប់​តាម​បណ្តោយ​សមុទ្រ​ក្រហម​នៅ​ខាងជើង​ទីក្រុង Jeddah ។ ការអភិវឌ្ឍ​អគារ Jeddah Tower គឺ​ដើម្បី​នាំមក​នូវ​ការផ្លាស់ប្តូរ​យ៉ាង​ធំធេង​ក្នុង​វិស័យ​អភិវឌ្ឍន៍​និង​ទេសចរណ៍​ទៅកាន់​ទីក្រុង Jeddah ដែល​ត្រូវបាន​គេ​ចាត់ទុកថា​ជាទី​ក្រុង​សេរីនិយម​បំផុត​នៅ​អារ៉ាប់​ប៊ី​សា​អូ​ឌី។

កាលពី​ដំបូង​ឡើយ គេ​គ្រោង​សាងសង់​អគារ​នេះ​ក្នុង​កំរិត​កម្ពស់១.៦គីឡូម៉ែត្រ តែដោយសារ​នៅ​ភូមិសាស្ត្រ​នៃ​តំបន់​នោះ​មិន​សមស្រប​សម្រាប់​ប៉ម​កំពស់​នោះទេ ទើប​គេ​បន្ថយ​កំពស់​មក​សល់​ពិត​ប្រាក​ដ​ប្រមាណ​ជិត១០០០ ម៉ែត្រ ដែល​ស្មើ​នឹង​ជិត ១ គីឡូម៉ែត្រ ហើយ​ជា​អគារ​ដែលមាន​កម្ពស់​ខ្ពស់ជាង​អគារ Burj Khalifa ស្ថិតនៅក្នុង​ទីក្រុង ឌូ​បៃ​នៃ ប្រ​ទេ​អារ៉ាប់​អេ​មី​រេ​ត ។ ការ​រចនា​គូ​រប្លង់​នៃ​អគារ​នេះ ត្រូវបាន​បង្កើតឡើង​ដោយ​ស្ថាបត្យករ​អាមេរិក គឺ លោក Adrian Smith ជនជាតិ​អា​មេ​រិច ដែលជា​អ្នក​រចនា​គូ​រប្លង់​អគារ Burj Khalifa រួមរួមបញ្ចូលលក្ខណៈពិសេសនៃរចនាសម្ពន្ធ និង​សោភ័ណ​ភាព​នៃ​អគារ។

អ្នកបង្កើត និង​ជា​អ្នកដឹកនាំ​គម្រោង​សាងសង់​អគារ​នេះ​គឺ​ព្រះអង្គម្ចាស់​អារ៉ាប៊ីសាអ៊ូឌីត Al-Waleed bin Talal ដែលជា​អ្នកមាន​បំផុត​នៅ​ម​ជ្ឈឹ​ម​បូព៌ា ជា​ចៅប្រុស​របស់​ព្រះអង្គម្ចាស់ Ibn Saud និង​ជា​ក្មួយប្រុស​របស់​ស្តេច​អា​រ៉ា​ប៊ី​សា​អូ​ឌី។ ព្រះអង្គម្ចាស់ Al-Waleed គឺជា​ប្រធាន​ក្រុមហ៊ុន Kingdom Holding (KHC) ដ៏​ធំ​បំផុត និង​ជា​ដៃគូ​របស់  Jeddah Economic Company (JEC) ដែល​ត្រូវបាន​បង្កើតឡើង​ក្នុងអំឡុង​ឆ្នាំ ២០០៩ សម្រាប់​ការអភិវឌ្ឍ​អគារ Jeddah និង​ទីក្រុង​ទាំងមូល។

ការសាងសង់​នៃ​អគារ​នេះ ត្រូវ​បានទទួល​ការកោតសរសើរ យ៉ាងខ្លាំង និង​ជា​និមិត្តសញ្ញា​វប្បធម៌​ដ៏​សំខាន់​មួយ នឹង​ជា​និមិត្តរូប​នៃ​ទ្រព្យសម្បត្តិ និង​អំណាច​របស់​ជាតិ ។ បើ​គិត​ត្រឹម​ថ្ងៃទី ២២  ខែតុលា ឆ្នាំ២០១៧ ត្រូវបាន​គេ​សាងសង់​រួច​បាន​ប្រមាណ ៥៦ ជាន់ និង​ស្នូល​កណ្តាល​ដែលមាន​ជណ្តើរយន្ត បាន ៦៣ ជាន់៕

LEAVE A REPLY

Please enter your comment!
Please enter your name here