ភ្នំពេញៈ សេដ្ឋកិច្ចកម្ពុជាត្រូវបានព្យាករណ៍ថា នឹងកើនឡើង៦,៣ភាគរយ នៅឆមាសទី១នៃឆ្នាំនេះ និងត្រូវបានព្យាករណ៍ថា នឹងមានកំណើន៦ភាគរយ សម្រាប់ឆ្នាំ២០២៤។ នេះបើតាមការព្យាករណ៍របស់ធនាគារជាតិនៃកម្ពុជា។
លោកស្រី ជា សិរីទេសាភិបាលធនាគារជាតិនៃកម្ពុជាបានថ្លែងបែបនេះ ក្នុងសន្និបាតបូកសរុបការងារឆមាសទី១ និងលើកទិសដៅឆមាសទី២ឆ្នាំ២០២៤ នាព្រឹកថ្ងៃទី១៩ កក្កដាកន្លងមកនេះ។
លោកស្រីពន្យល់ថា កំណើនសេដ្ឋកិច្ច ដែលទទួលបានត្រូវបានគាំទ្រដោយវិស័យសំខាន់ ដូចជា វិស័យកាត់ដេរ ដែលសម្រេចបានកំនើន១៧,២ ភាគរយ វិស័យទេសចរណ៍សម្រេចបាន២១,២ ភាគរយ និងវិស័យកសិកម្មកើនឡើង៤៧,៨ភាគរយ។
