ដោយ៖ ដែន ចែងចាំង
ភ្នំពេញ៖ ដោយសម្លឹងឃើញនៅកំណើនប្រជាជន និងតម្រូវការលំនៅដ្ឋានមានការកើនឡើង ក្រុមហ៊ុន Urban Living Solution បានចាប់ផ្តើមលក់គម្រោងខុនដូ និងហ្សប់ហោស៍ដែលមានឈ្មោះថា Urban Loft ដើម្បីផ្គត់ផ្គង់ផ្តោតលើតម្រូវការជីវភាពរបស់ប្រជាជន។
យោងតាមសេចក្តីប្រកាសព៌តមានរបស់ក្រុមហ៊ុននេះ បានឲ្យដឹងនាព្រឹកថ្ងៃទី៦ ធ្នូនេះថា ការរស់នៅដែលពោពេញទៅដោយភាពសំបូរបែប” គឺជាកត្តាសំខាន់បំផុតនៃការបង្កើតគម្រោងនេះឡើងដែលក្នុងនោះ រួមមាន សេវាប្រើប្រាស់ចម្រុះដូចជា អាងហែលទឹកដ៏ធំទូលាយ កន្លែងហាត់ប្រាណ កន្លែងធ្វើការរួម (Co-working space) បន្ទប់បណ្ណាល័យ កន្លែងមើលថែទាំកុមារ សួនកណ្តាលអាកាស កន្លែងអាំងសាច់ និង បន្ទប់ប្រារព្ធពិធីផ្សេង។
គម្រោងខុនដូ Urban Loft មានអគារចំនួន២កម្ពស់២០ជាន់ និងផ្ទះ១៨២យូនីត ទំហំចាប់ពី៦០ម៉ែត្រការ៉េឡើងទៅ និង ចំណតរថយន្តចំនួន១៧៧កន្លែង។
ក្នុងឱកាសបើកលក់ជាផ្លូវការនេះរហូតថ្ងៃទី២ខែមករា ឆ្នាំ២០១៨ ក្រុមហ៊ុននឹងលក់ជូនតម្លៃពិសេសចាប់ពី423ដុល្លារក្នុងមួយខែ ឬបញ្ចុះតម្លៃ៧ភាគរយ ជាមួយការផ្តល់ជូនគ្រឿងសង្ហារឹមផ្សេងៗ និងការឈ្នះរង្វាន់ជាច្រើនទៀត។
លោកងូន ឆាយលាងតំណាងក្រុមហ៊ុន Urban Loft បានមានប្រសាសន៍ថា ជាមួយនឹងការឌីសាញប្រកបដោយភាពទាក់ទាញ និងធំទូលាយគំរោងខុនដូនេះកំពុងទទួលបានការចាប់អារម្មណ៍ពីអតិថិជន ដោយសារយើងផ្តល់ឲ្យអតិថិជននូវលំនៅដ្ឋាន ប្រកបដោយផាសុខភាព និងប្រកបដោយវិជ្ជាជីវៈ ដើម្បីធ្វើឲ្យប្រាកដថា អ្នកមករស់នៅក្នុងគំរោងនេះទទួលបានសេវាកម្មប្រកបដោយគុណភាព និងសេវាកម្មសម្បូរបែបសម្រាបជីវិតទាន់សម័យ ក្នុងប្រទេសកម្ពុជា៕