ដោយ: គង់ លាងហួរ
អន្តរជាតិ: តម្លៃហាងឆេងមាសបានងើបឡើងថ្លៃក្នុងការជួញដូរនៅព្រឹកថ្ងៃសុក្រនេះ ខណៈទិន្នន័យបង្ហាញថា សន្ទស្ស៍តម្លៃទំនិញប្រើប្រាស់របស់សហរដ្ឋអាមេរិក(CPI)បានកើនឡើង២,៤ភាគរយនៅខែកញ្ញាធៀបនឹងឆ្នាំមុន។ តួលេខនេះបង្ហាញពីការកើនឡើងទាបបំផុតក្នុងអត្រាប្រចាំឆ្នាំគិត ចាប់តាំងពីខែកុម្ភៈ ឆ្នាំ២០២១។
តួយ៉ាង តម្លៃមាស Spot Gold បានងើបឡើង០,៥៨ភាគរយដល់២៦៤៤,៨២ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានងើបឡើង០,៧៨ភាគរយដល់២៦៥៩,៩០ដុល្លារក្នុងមួយអោន គិតត្រឹមម៉ោង១០:៥១នាទីព្រឹក។
គិតត្រឹមពេលបិទការជួញដូរកាលពីថ្ងៃព្រហស្បតិ៍ម្សិលមិញ តម្លៃមាស Spot Gold បានបិទនៅត្រឹម២៦២៩,៤៨ដុល្លារក្នុងមួយអោន ខណៈតម្លៃមាស U.S. gold futures បានបិទនៅត្រឹម២៦៣៩,៣០ដុល្លារក្នុងមួយអោន។
