ដោយៈ គង់ សូរិយា
ភ្នំពេញៈ សម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជាបានថ្លែងថា ផ្ទៃដីកម្ពុជាបន្ទាប់ពីវាស់វែង រហូតមកទល់ពេលនេះបានកើនទំហំដល់១៨១,៤៣៦គីឡូម៉ែត្រការ៉េ។
សម្តេចបានថ្លែងក្នុងពិធីចែកសញ្ញាបត្រ ជូននិស្សិតនៅក្រុងភ្នំពេញ នាព្រឹកថ្ងៃទី២១ វិច្ឆិកាថា មានប្រជាជនមួយចំនួនបានសាក់ផ្ទៃដីកម្ពុជាក្នុងទំហំ១៨១ ០៣៥គីឡូម៉ែត្រការ៉េ ប៉ុន្តែបច្ចុប្បន្នបន្ទាប់ពីយើង បានវាស់វែងដល់ដំណាក់កាលនេះ ទំហំផ្ទៃដីរបស់យើង បានកើនដល់ទំហំ១៨១,៤៣៦គីឡូម៉ែត្រការ៉េ ដោយមិនទាន់គិតពីកោះនានា ដែលកម្ពុជាកំពុងរៀបចំការចចារនៅឡើយ។
