ដោយ: គង់ លាងហួរ
អន្តរជាតិ: តម្លៃហាងឆេងមាសបានងើបឡើងថ្លៃ ក្នុងការជួញដូរនៅព្រឹកថ្ងៃព្រហស្បតិ៍នេះ ដោយសារតែការធ្លាក់ថ្លៃចុះនៃប្រាក់ដុល្លារអាមេរិក ខណៈក្រុមអ្នកវិនិយោគកំពុងស្វែងរកភាពច្បាស់លាស់បន្ថែមទៀតលើគន្លងអត្រាការប្រាក់របស់ធនាគារកណ្តាលសហរដ្ឋអាមេរិក។
តួយ៉ាង តម្លៃមាស Spot Gold បានងើបឡើង០,៣៧ភាគរយដល់២៦៣៣,៥៨ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានងើបឡើង០,២ភាគរយដល់២៦៤៦,២០ដុល្ល្លារក្នុងមួយអោនគិតត្រឹមម៉ោង១០:៣៦នាទីព្រឹក។
យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាសចំនួន៨៨,៨ភាគរយ ដែលធនាគារកណ្តាលអាមេរិក (Fed) នឹងរក្សាទុកអត្រាការប្រាក់របស់ខ្លួនឱ្យនៅថេរក្នុងកិច្ចប្រជុំកំណត់គោលនយោបាយនៅថ្ងៃទី២៩ ខែមករា ឆ្នាំ២០២៥នេះ។
