ឯកសារសំខាន់ៗចំនួន៣៧ត្រូវបានចុះហត្ថលេខាក្នុងដំណើរទស្សនកិច្ចរបស់មេដឹកនាំកំពូលចិន

ដោយៈ និស្ស័យ

    ភ្នំពេញៈ ជាមួយនឹងស្នាមញញឹម ជាមួយនឹងការនាំមកនូវការកសាងសហគមន៍វាសនារួមកម្ពុជា ចិនគ្រប់សម័យកាល មេដឹកនាំចិន និងកម្ពុជា បានអញ្ជើញជាអធិបតីដ៏ខ្ពស់ខ្ពស់ ក្នុងពិធីចុះហត្ថលេខាលើឯកសារនៃកិច្ចសហប្រតិបត្តិការសំខាន់ៗចំនួន៣៧។

    ពិធីចុះហត្ថលេខានេះ ធ្វើឡើងក្រោមអធិបតីដ៏ខ្ពង់ខ្ពស់បំផុតពីសំណាក់ប្រធានាធិបតីចិន លោកស៊ី ជីនពីង និងសម្តេចមហាបវរធិបតីហ៊ុន ម៉ាណែតនាយករដ្ឋមន្រ្តីនៃកម្ពុជាកាលពីល្ងាចថ្ងៃទី១៧ មេសាកន្លងមកនេះ។

ឯកសារ និងពិធីផ្លាស់ប្តូរឯកសារដែលបានចុះហត្ថលេខាពាក់ព័ន្ធវិស័យមួយចំនួនរួមមាន ការវិនិយោគ វិស័យពាណិជ្ជកម្ម វិស័យអប់រំ វិស័យហិរញ្ញវត្ថុ វិស័យព័ត៌មាន ការងារយុវជន វិស័យកសិកម្ម វិស័យសុខាភិបាល វិស័យធនធានទឹក វិស័យទេសចរណ៍ វិស័យកិច្ចការនារី និងវិស័យផ្សេងទៀត៕