បុរី​អ័​រ​គី​ដេ ចាប់ផ្តើម​ប្រកា​សលក់​ផ្ទះ​វីឡា​ភ្លោះ​ប្រភេទ​ថ្មី

0

ដោយ៖ គង់ សូរីយា

ភ្នំពេញ៖ ក្រុមហ៊ុន​វិនិយោគ​បុរី​អ័​រ​គី​ដេ បានសម្រេច​រៀបចំ​លក់​ផ្ទះ​វីឡា​ភ្លោះ ក្នុង​គំរោង​សាគូ​រ៉ា​ថ្មី ជាមួយ​តំលៃ​សមរម្យ ឆ្លើយ​តម​តាម​ការចង់បាន​របស់​អតិថិជន។

យោងតាម​សេចក្តីប្រកាស​ព៌​ត​មាន​របស់​បុរី​អ័​រ​គី​ដេ បាន​ឲ្យ​ដឹង​នា​ព្រឹក​ថ្ងៃទី១៣ ធ្នូ​នេះ​ថា គម្រោង​អ័​រ​គី​ដេ​វីឡា ដឹ​បូ​តា​និ​ច​ស៊ី​ធី បានទទួល​ការចាប់អារម្មណ៍​យ៉ាងខ្លាំង​ពី​សំណាក់​អតិថិជន ពីព្រោះ​គម្រោង​មួយ​នេះ​ស្ថិតក្នុង​តំបន់​ជ្រោយចង្វារ ដែល​ត្រូវបាន​រៀបចំឡើង​នៅលើ​ផ្ទៃដី​ជាង160ហិច​តា រួមមាន​សាលារៀន​ខ្នាត​អន្តរជាតិ​ផ្សារ​ទំនើបធំៗ អមដោយ​សួន​ធម្មជាតិ​ប៊ូ​តា​និ​ច​យ៉ាង​ធំ ដែល​ពុំ​ធ្លាប់មាន​នៅក្នុង​រាជធានី​ភ្នំពេញ ជាមួយ​ផ្ទះ​វីឡា​គ្រប់​ប្រភេទ​ដូចជា វីឡា​កូនកាត់ វីឡា​ភ្លោះ វីឡា​ទោល ផ្ទះ​ប្រកប​អាជីវកម្ម និង​ដីឡូត៍​ផងដែរ ដែល​កំពុងមាន​ការអភិវឌ្ឍ​ន៍​ខ្លាំង​នាពេល​បច្ចុប្បន្ន និង​ទៅ​ថ្ងៃ​អនាគត។ នៅ​ជុំវិញ​គម្រោង​នេះ ព័ទ្ធ​ទៅដោយ​គម្រោង​ទីក្រុង​រណបធំៗដូចជា គម្រោង​ទីក្រុង​រណប​ជ្រោយចង្វារ និង​គម្រោង​ទីក្រុង​រណប​របស់​ក្រុមហ៊ុន LYP Group ផងដែរ ពិសេស​ស្ថិតនៅ​អម​សងខាង​ទន្លេមេគង្គ និង​ទន្លេសាប​ទៀតផង។

សេចក្តីប្រកាស​ដដែល​បាន​បន្តថា “នេះ​គឺជា​ឱកាស​ដ៏​ល្អ​បំផុត​សំរាប់​អតិថិជន ក៏ដូចជា​គ្រួសារ​ថ្មី ដែល​កំពុង​មានបំណង​ចង់​បានជា​ប្រភេទ​ផ្ទះ​ភ្លោះ ហើយ​ម៉ូដ​ជា​វីឡា​សាគូ​រ៉ា​នេះ គួរ​សំរេចចិត្ត​នាពេលនេះ ពីព្រោះ​ចំនួន​ផ្ទះ​នៃ​ការបើក​លក់​នេះ​មានកំណត់។

លោក​ច្រឹ​ក សុខ​នី​ម​អគ្គនាយក​ក្រុមហ៊ុន Century21 Mekong បាន​ថ្លែងថា ទីផ្សារ​លំនៅដ្ឋាន​នៅតាម​បុរី​នានា​កំពុងមាន​សញ្ញា​ល្អប្រសើរ ដោយសារ​ការទិញ​លក់​កើនឡើង ព្រោះ​កំនើនសេដ្ឋកិច្ច កំនើន​ប្រាក់ចំណូល​របស់​ប្រជាពលរដ្ឋ ពិសេស​ការកើនឡើង​នូវ​ចំនួន​ប្រជាជន​ក្នុង​ក្រុងភ្នំពេញ។លោក​បន្តថា ការផ្តល់​ឥណទាន​ពី​ធនាគារ​នានា​កាន់តែ​ងាយស្រួល ក៏បានផ្តល់​ឲ្យ​ទីផ្សារ​លំនៅដ្ឋាន​សម្រេចបាន​កំនើន​នៃ​ការលក់​កើនឡើង​ជាប្រចាំ​ផងដែរ៕

LEAVE A REPLY

Please enter your comment!
Please enter your name here