ដោយ៖ វុត្ថា
ភ្នំពេញ៖ ប្រទេសមួយៗតែងតែមានមោទនភាព ចំពោះការសាងសង់អគារ ខ្ពស់ៗ ដើម្បីបង្ហាញពិភពលោកពីមហិច្ឆតាសេដ្ឋកិច្ចរបស់ខ្លួន នឹងដើម្បីទាក់ទាញវិនិយោគទុនមកវិនិយោគក្នុងស្រុក។ ជាក់ស្តែងមហាយក្យចិនគឺជាប្រទេសដែលមានសេដ្ឋកិច្ចលូតលាស់ ឬជាប្រទេសមហាអំណាចសេដ្ឋកិច្ចទី២ នៅលើពិភពលោក ក៏បាននឹងកំពុងមានគម្រោង សាងសង់អាគារខ្ពស់កប់ពក់ជាច្រើន ដើម្បីប្រកួតប្រជែងជាមួយបណ្តាប្រទេសនៅលើពិភពលោក ដែលមានសេដ្ឋកិច្ចរីចចម្រើន។
គេហទំព័រព៌តមានអចលនទ្រព្យ និងសេដ្ឋកិច្ចឈានមុខគេមួយនៅកម្ពុជា propertyarea.asia នឹងបង្ហាញនូវអគារមជ្ឈមណ្ឌល Ping An ថ្មីមួយទៀតរបស់មហាយក្សចិនដែលនឹងកំពុងសាងសង់។
-->
អគារមជ្ឈមណ្ឌល Ping An (Ping An International Finance Center) ដែលជាទូទៅគេហៅអគារនេះថា Ping An IFC គឺជាអាគារខ្ពស់១១៥ ជាន់ និងកំពស់ជិត ៦០០ម៉ែត្រ នៅក្នុងទីក្រុង Shenzhen ខេត្តក្វាងទុងប្រទេសចិន។ អាគារនេះ ទទួលបន្ទុកសាងសង់ ដោយក្រុមហ៊ុនធានារ៉ាប់រងភីងអាន ហើយត្រូវបានរចនា និងគូប្លង់ដោយក្រុមហ៊ុនស្ថាបត្យកម្មអាមេរិក Kohn Pedersen Fox Associates ។ អគារនេះត្រូវបានគេរំពឹងថា នឹងសាងសង់រួចរាល់នៅឆ្នាំ២០១៨ ខាងមុខនេះ ហើយនឹងក្លាយជាអាគារខ្ពស់លំដាប់ទី៤នៅលើពិភពលោក។
អគារនេះមានទីតាំងស្ថិតនៅចំកណ្តាលនៃក្រុងពាណិជ្ជកម្ម Shenzhen នៅក្នុងខណ្ឌ Futian ដែលសាងសង់លើទំហំដី១៨.៩៣១ម៉ែត្រការ៉េ ក្រោមការដេញថ្លៃក្នុងតម្លៃ១៦,៥៦៨ពាន់លានយ័ន កាលពីថ្ងៃទី៦ ខែវិច្ឆិកាឆ្នាំ២០០៧ របស់ក្រុមហ៊ុន Ping An Group ។ អគារនេះត្រូវបានបុកគ្រឹះសាងសង់នៅថ្ងៃទី២៩ ខែសីហាឆ្នាំ២០០៩។
នៅថ្ងៃទី១៥ ខែមីនាឆ្នាំ២០១៣ ដំណើរការនៃសាងសង់ត្រូវបានផ្អាកជាបណ្ដោះអាសន្ន ដោយសារតែគេសង្ស័យប្រើប្រាស់ស៊ីម៉ងត៍ ដែលធ្វើពីខ្សាច់សមុទ្រ ដែលមិនបានកែច្នៃដែលអាចបំផ្លាញរចនាសម្ព័ន្ធដែក។ ការសាងសង់បានបន្តឡើងវិញ បន្ទាប់ពីការធ្វើតេស្តគំរូ។
មជ្ឈមណ្ឌលពាណិជ្ជកម្មដ៏ធំ និងកំពស់ជិត៦០០ម៉ែត្រនេះ មានបណ្តុំទៅដោយការិយាល័យ សណ្ឋាគារ ហាងលក់ដូរ មជ្ឈមណ្ឌលសន្និសីទ និងផ្សារទំនើបលំដាប់ខ្ពស់។ មិនតែប៉ុណ្ណោះអគារនេះ ក៏ជាទីស្នាក់ការកណ្តាលនៃក្រុមហ៊ុនធានារ៉ាប់រងភីងអានផងដែរ។ អាគារនេះមានទំហំសរុប៣៧៨.៦០០ ម៉ែត្រការ៉េ បូករួមទាំងបន្ទប់ក្រោមដីផងនោះមានទំហំ៩០.000 ម៉ែត្រការ៉េ។
អគារ Ping An International Finance Centre ត្រូវបានបំពាក់ដោយជណ្តើរយន្តពីរជាន់ដ៏ទំនើបចំនួន៣៣ ជាមួយនឹងការគ្រប់គ្រង់ប្រកបដោយសុវត្ថិភាពបំផុត នឹងមានល្បឿនរហូតទៅដល់១០ម៉ែត្រក្នុងមួយវិនាទី។
កាលពីខែមករាឆ្នាំ២០១៥ អ្នកថតរូបអាជីពជនជាតិម៉ាឡេស៊ីដ៏ល្បីល្បាញ លោក Keow Wee Loong បានឡើងលើកំពូលអាគារនេះ ដើម្បីថតរូប បើទោះបីការសាងសង់អគារនេះ មិនទាន់រួចរាល់ក៏ដោយហើយបានចេញផ្សាយវីដេអូ និងរូបថតដែលថតពីរទេះមួយនៅកំពូលភ្នំ។ បន្ទាប់មកទៀត ក្រោយពីសាងសង់គ្រោងអាគាររួច ក្នុងកំឡុងពេលបុណ្យចូលឆ្នាំចិននៅថ្ងៃទី១៩ ខែកុម្ភៈឆ្នាំ២០១៥ ក៏មានអ្នកពនេរចរណ៍ទីក្រុង ជនជាតិរុស្ស៊ី និងអ៊ុយក្រែនពីរនាក់គឺលោក Vadim Makhorov និងលោក Vitaly Raskalov មកពី Ontheroofs ដែលបានបន្តឡើងលើរលើអគារខ្ពស់នេះ ដើម្បីថតជាវីដេអូចងក្រងឯកសាររបស់ពួកគេ។
ក្រោយមកទៀត នៅខែតុលាឆ្នាំ២០១៦លោក James Sight និងមិត្តភក្តិពីរនាក់មកពីប៉ុស្តិ៍ YouTube Ill sight ក៏បានឡើងលើដំបូលនៃអគារនេះ ប៉ុន្តែត្រូវបានគេហាមឃាត់ទៅវិញ។គម្រោងសាងសង់អគារនេះ បានចាប់ផ្តើមសាងសង់ឡើងវិញ នៅខែមេសាឆ្នាំ២០១៤ ហើយត្រូវបានគេរំពឹងថានឹងបញ្ចប់នៅឆ្នាំ២០១៨ខាងមុខ៕
