ដោយ: សហសេវិក
អន្តរជាតិ: ការលក់អាផាតមុិននៅសង្កាត់ Manhattan ក្នុងទីក្រុងញូវយ៉កនៃសហរដ្ឋអាមេរិកបានកើនឡើងនៅក្នុងខែវិច្ឆិកា ដោយបន្ធូរបន្ថយការព្រួយបារម្ភថា ការជាប់ឆ្នោតជាអភិបាលក្រុងញូវយ៉ករបស់លោក Zohran Mamdani នឹងជំរុញឱ្យក្រុមអ្នកមានចាកចេញ។
យោងតាមទីភ្នាក់ងារវាយតម្លៃ Miller Samuel និងក្រុមហ៊ុនឈ្មួញជើងសាអចលនទ្រព្យ Douglas Elliman បានឱ្យដឹងថា ការលក់អាផាតមុិននៅសង្កាត់ Manhattan សម្រេចបានចំនួន១៧៦យូនីតនៅខែវិច្ឆិកា ដែលមានតម្លៃចាប់ពី៤លានដុល្លារអាមេរិក។
តួលេខខាងលើនេះបង្ហាញពីការកើនឡើង២៥ភាគរយ បើធៀបនឹងការលក់អាផាតមុិនចំនួន១៤១យូនីតកាលពីខែតុលា។ អាផាតមុិនដែលបានលក់ចេញទាំងនោះ រួមមានអាផាតមុិននៅគម្រោង The 74 នៅតំបន់ Upper East Side និងគម្រោង 53 West 53rd St នៅតំបន់ Billionaires’ Row ដែលត្រូវបានទិញក្នុងតម្លៃប្រហែល២៤លានដុល្លារក្នុងមួយយូនីត។
