ដោយ: សហសេវិក
អន្តរជាតិ: យោងតាមរបាយការណ៍សិក្សាស្រាវជ្រាវថ្មីមួយបានបង្ហាញថា នាពេលបច្ចុប្បន្ន អាផាតមុិនលំដាប់ខ្ពស់នៅក្នុងទីក្រុងបុមបៃនៃប្រទេសឥណ្ឌាមានតម្លៃស្មើនឹងអាផាតមុិននៅតាមតំបន់មួយចំនួននៃទីក្រុងញូវយ៉ករបស់សហរដ្ឋអាមេរិក។
ការណ៍នេះសរបង្ហាញពីការកើនឡើងយ៉ាងឆាប់រហ័សនៃទ្រព្យសម្បត្តិ និងតម្លៃអចលនទ្រព្យនៅក្នុងទីក្រុងបុមបៃ ដែលជាមជ្ឈមណ្ឌលហិរញ្ញវត្ថុដ៏ធំរបស់ឥណ្ឌា។នេះបើយោងតាមក្រុមហ៊ុនប្រឹក្សាអចលនទ្រព្យ Anarock Group និងក្រុមហ៊ុនគ្រប់គ្រងទ្រព្យសម្បត្តិ 360 One Wealth ។
របាយការណ៍របស់ក្រុមហ៊ុនទាំង២ខាងលើ បានឱ្យដឹងថា អាផាតមុិននៅតំបន់ Worli របស់ទីក្រុងបុមបៃមានតម្លៃ១.១០៩ដុល្លារអាមេរិកក្នុងមួយហ្វីតការ៉េ ដែលស្មើនឹងតម្លៃអាផាតមុិននៅក្នុងតំបន់ Lower Manhattan របស់ទីក្រុងញូវយ៉ក។
