ទីផ្សារលំនៅឋាននៅទីក្រុងម៉ានីលរបស់ហ្វីលីពីន ឈានចូលដល់ឆ្នាំ២០២៦ ខណៈតម្រូវការដាំក្បាលចុះ

ដោយ: សហសេវិក
អន្តរជាតិ: យោងតាមក្រុមហ៊ុន Leechiu Property Consultants បានឱ្យដឹងថា ទីក្រុងម៉ានីល ដែលជាទីផ្សារលំនៅឋានធំជាងគេរបស់ប្រទេសហ្វីលីពីន ឈានចូលដល់ឆ្នាំ២០២៦ ជាមួយនឹងស្តុកផ្ទះ និងអាផាតមុិនសរុបចំនួន៨០.៣០០យូនីត(unsold) ដែលអាចចំណាយពេល៤២ខែដើម្បីលក់ចេញ។

លោក Roy Golez នាយកផ្នែកស្រាវជ្រាវ ប្រឹក្សាយោបល់ និងវាយតម្លៃនៅក្រុមហ៊ុន Leechiu បានលើកឡើងថា តម្រូវការលំនៅឋាននៅទីក្រុងម៉ានីលបានធ្លាក់ចុះដល់កម្រិតទាបបំផុតក្នុងរយៈពេល៦ឆ្នាំ។

លោក Golez បានបន្តថា ការលុបចោលដោយអ្នកទិញ ដែលមិនអាចបង់ប្រាក់រំលស់ប្រចាំខែបាន រួមជាមួយនឹងការហាមឃាត់លើប្រតិបត្តិករល្បែងស៊ីសងបរទេស (POGOs) មិនឱ្យធ្វើអាជីវកម្មនៅហ្វីលីពីន បានរួមចំណែកដល់ការផ្គត់ផ្គង់លំនៅឋានលើសតម្រូវការបច្ចុប្បន្ន។